CurryYIN

個人覺得佢真係做到霧面嘅效果，有三款唔同色揀，淺色會啱春天同年輕啲嘅姊妹，較深色嘅適合一啲比較成熟嘅妝容。我覺得係上色之前可以搽一層潤唇膏先，再用呢隻柔滑霧面唇膏就可以做到比較靚嘅效果。點解我唔推薦用粉底遮埋個唇當搽左底層？網上面好多女仔教咬唇妝都係咁做㗎。但係呢隻係霧面唇膏！！霧面唇膏！！霧面唇膏！！（重要嘅事要講三次）大家都知我地個嘴有唇紋，就算幾貼服嘅粉底都會係唇紋上面卡起少少粉，所以我地底用潤唇膏或者裸色唇膏做底，沿着自然嘅唇紋，咁樣嘅效果先會最好！（個人覺得啦）總括嚟講呢枝柔滑霧面唇膏做到霧面嘅效果同分享咗少少自己嘅小心得，希望各位姊妹都化到美美的妝容！！化妝就係要靚！！

真心好用。外觀美美的，特別顯氣派、優雅，百撘嘅暗紅色，即刻令成個人顯得成熟左。扭出嚟唔易斷，造工十分精緻。用落唔會卡住唇紋，好快就可以搽出靚靚唇妝！呢個價錢買到枝又靚又好用嘅唇膏真係好開心，因為呢枝唇膏我多咗化妝，大家都話好睇好靚。沒有醜女人，只有懶女人！有枝靚唇膏就係小鴨變身天鵝嘅第一步！！！

其實本身唔係好用精華油，因為用完好似會油立立咁好唔舒服。不過呢款礦物盈肌水潤精華油唔會比我覺得啲油停係臉上面搞到好油，反而係皮膚好容易吸收。每日滴幾滴已經好夠，價錢都好值。吸收完嘅皮膚會滑滑的，好似廣告嘅效果咁，真心推薦！

可能我個人嘅頭皮問題比較嚴重，所以唔係好睇到有效果。不過有一點真係真係好值得推薦，係佢可以用完之後免沖水！大家做女人都知洗頭護髮呢啲工序有幾麻煩，而呢隻牡丹抗敏紓緩頭皮免沖水精華做到免沖水，真係為各位姊妹慳番唔少時間，果啲時間用嚟敷面膜咪仲好係咪先！總括嚟講都推薦比大家試下，如果能夠針對紓緩頭皮問題加啲改良，咁會更加好。

呢隻筆頭幾好用，適合化妝初學者。佢唔會好似水眼線筆咁難控制，呢隻筆頭同寫字差唔多，好快就用上手。唔好睇佢筆頭好似好粗咁，其實佢都劃到啲幼嘅眼線，粗幼可以自己控制。不過價錢有啲貴，個人覺得佢嘅持妝效果係做得好嘅，水同油都阻隔到唔會化。好用推薦！

係有士多啤梨味，但係入面啲粒粒認真唔係幾做到磨砂嘅效果，去唔到太多死皮同角質，不過都可以當普通潔膚用品咁用。唔算貴，但係效果唔顯著。

一直以嚟都買買買，買唔停手，直到試過昵隻玫瑰水盈嫩面膜，已經好少買其他面膜。好中意佢陣玫瑰香味，唔會刺鼻，搽上塊臉到都聞到自己塊香香地。外觀黑色撘紅色真係好搶眼，好靚。價錢好底，真係想比超過5個剔剔，會繼續使用！

漸變色效果不錯，只係搽一兩次就做到好飽滿嘅效果，唔洗搽十幾廿次搞到又多又厚又唔舒服。呢隻色較鮮，較適合夏天，不過就算而家入咗秋，搽左都有種年輕青春活躍感，唔會格格不入。

個包裝真係好得意啊！！漸漸入秋，之前個嘴乾左都只係會用口水添下，後來朋友推介呢款潤唇膏，話呢隻唔洗成日搽，因為佢真係做到長期滋潤。買番嚟一打開就有淡淡嘅青蘋果味，搽上嘴之後明顯感覺到個嘴水滋滋的，過左半日先開始覺得有少少乾乾地。真係好好用同埋隻熊仔好得意，會推介比朋友同繼續購買！！

化左上面唔會卡粉，啲粉會貼哂落塊面到。遮暇效果可以，我黑眼圈同痘印唔係太明顯，直接上呢隻粉底都遮到，但係黑眼圈比較深或者膚色較唔均衡嘅就要上左遮暇先再用呢隻粉底。總括嚟講，用落貼服唔卡粉，帶遮暇效果，不錯！

清香冇異味，好用！近來天氣漸瀨乾燥，保濕自然唔少得，呢隻特效晚間保濕，用完第二朝真係keep到皮膚水潤。摸上去滑滑的。自己嘅皮膚係要投資，將來先唔會後悔，所以呢啲錢真係唔慳得，效果仲要咁顯著，絕對值得！

質量幾好，呢種刷頭好容易搽到嘴邊邊果啲位，又可以好快咁填色。上色後會遮到一部份唇紋。長時間顯色，不易甩色，唔沾杯，保濕效果還好。價錢真心底，值得推薦。