Yellownblue

呢隻髮蠟香係幾香嘅，但係好笠囉，我覺得搽完都係會塔咗咁，唔係幾均勻（可能係我技巧唔好?）唔夠蓬鬆。相比起髮蠟，呢個牌子嘅噴劑會好用好多

極潤但又唔笠嘅保護面霜真係好難搵到，呢支仲要有埋美白效果真係絕配！持久保濕效果真係幾好，冇乜點感受到皮膚乾巴巴咁，美白效果就有待再觀察，不過做到極潤唔笠我已經好滿足?

我覺得極潤係真係冇誇大，冬天用佢就更感受到，搽完塊臉好彈，而且過咗一個晚上，醒咗塊臉都唔會甩皮，日用嘅話都好持久，塊臉成日都唔會乾?

拎嚟卸睫毛液，眼影同唇膏我覺得係okay嘅，真心卸得乾淨，連黏得好實嘅睫毛膏同嗰啲好嚇人嘅長效卸極都卸唔走嘅脣彩都搞得掂，係抵讚嘅，只係佢都係有啲乸乸地，個人鐘意卸妝油多啲

呢支防曬我個人覺得比較笠咗啲，要等得耐啲先上到妝，如果趕時間我唔會用佢? 不過佢同時可以做到底霜幫臉部妝前調色嘅效果，又方便嘅，唔駛分兩支嘢搽，所以都仲會保留用佢嘅時候，okay嘅

呢支去青春荳嘅精華超級有效，尤其石頭瘡，真係就咁用棉花棒撩一撩底下粉紅色嗰啲精華，再喺青春荳上點一點，瞓醒覺已經消咗好多，簡直就係以前爛面嘅我嘅恩物?

呢支卸妝油唔駛講係人都識啦，出名好用！！！㩒一吓一滴油直接用手搓均成塊臉，唔駛用卸妝棉都可以卸得乾乾淨淨，真係用過返唔到轉頭，因為塊面乾淨咗，所以臉上嘅青春荳已經除咗M到都冇乜點生嚕?

哈哈一開始就係比佢呢個咁簡約但又靚嘅包裝吸引咗先買嚟試吓，結果又真係okay嘅，起碼唔會好似其他爽膚水咁搽完就皮膚紅咗咁?，而且都幾香呀，只係我覺得好似清潔臉腳上污垢效果冇咁顯住?

滴一滴，真係只要㩒一吓滴嗰一滴，就已經夠搽哂成塊面（我塊大過月亮嘅方型面??‍♀️），就已經可以持久保濕，塊面就冇因爲乾而出油，個妝都靚好多??

台灣人氣牌子之一，佢呢支妝前美白保濕化妝水好好用，搽完快乾快吸收唔笠之餘，又真係保濕皮膚唔乾燥，仲帶有香味?☺️

sofina呢盒碎粉好好用，控油做得好好，塊面唔會油笠笠，又唔會浮粉，個樸又靚靚咁好舒服又唔會黐住啲粉，好方便用?

又係另一支sofina正嘢！用呢支保濕防曬唔怕皮膚乾，搽完又乾爽一啲都唔會笠黐黐咁，好舒服，而且真係好夠防曬，我去完一星期泰國，日日曝曬但塊面都冇乜點黑過?✌?，反而個身明顯黑咗?