Yellownblue

又一支好好用嘅潤唇產品? 好多味可以揀之餘，亦都真係效果突出！用咗佢之後真係好似做緊唇膜咁好滋潤，嘴唇終於唔再成日乾到甩皮，仲蠟蠟令，就連唇紋都見唔到?

呢盒粉餅粉粒幼細唔會一舊舊，好易上妝，而且薄薄一層已經好夠遮暇，毛孔完全睇唔到，所以無論睇落去定摸上去，塊臉都感覺好滑溜溜

調色底霜對皮膚差嘅人嚟講真係好重要，因為一嚟可以減淡暗瘡印/紅印/色斑，二嚟可以令膚色均勻，上妝唔會一撻撻，成個妝容會好睇好多。咁啱呢支啲色都調得幾好，唔笠快乾，好適合化妝用

有染髮嘅人就會覺得好襯，仲好靚?好多特別色揀；但係冇染髮嘅人用就會覺得好格格不入，因為黑頭髮配淺色眉毛好似感覺怪怪的⋯⋯

呢支髮尾油好駛好用，可以瞬間令髮尾令蠟蠟，遮蓋本來好乾燥傷哂嘅頭髮，搽完再用電髮棒捲任何造型都容易定型好多，亦成為咗保護層去阻隔熱力直接燙傷頭髮。加上佢好香，咁啱有風吹起頭髮嗰時就有陣陣香氣飄過?

一秒神水聽落已經好勁，用落都真係有效嘅！一啪上臉好快已經吸引哂，唔笠身好清爽，而且即刻覺得皮膚水潤有彈性，水份飽滿所以好令好有光澤！

呢隻洗頭水好香呀，而且唔稀，唔駛太多已經可以成頭都係泡泡，洗完都乾淨嘅，吹完頭都唔會髮尾乾哂或者打哂結咁，反而仲好令同順滑！

施巴產品出名ph值5.5，同人體皮膚嘅ph值差唔多，所以用落一啲都唔會刺激唔會傷到皮膚，反而係好柔和，同皮膚共存。可惜係陣味唔好聞，唔同其他牌子淋浴露會有香味

個人覺得呢支爽膚水性價比都幾高，佢平，但係又真係好用有效? 香味唔駛講梗係香啦，滴佢落化妝棉度抹，真係帶走到毛孔污垢，深層清潔okay，又一啲都唔會乾

都幾好用嘅，拎嚟捽走啲死皮之後先洗臉，感覺份外清潔，又唔笠，都好易洗得走，幾方便用！而且每次唧少少就夠用，都幾抵買呀

睇廣告講到好似好學術咁用咖啡因就可以防脫髮，但用咗成三個月都覺得冇效喎，洗完頭依然成地頭髮，梳梳吓頭又係繼續會甩咁幾條

呢支粉底液超級多色揀，總有一隻色啱您！佢遮暇度高過一般市面上嘅同類產品，而且唧少少已經可以搽滿面，我用咗差唔多九個月都未用哂?，所以好抵買！搽咗上去一啲都唔笠，成個妝好乾爽自然，又有提亮效果！