Yellownblue

香味係適中嘅，唔太濃亦唔會話淡完吹完個頭就冇味。唧一吓溝少少水已經好起泡，所以咁大支就算日日洗頭都可以用兩三個月，好抵用。不過我略嫌都係乾，冇佢講到咁柔滑

洗完頭涼浸浸嘅感覺真係好正，尤其同夏天熱辣辣嘅對比之下，真係好爽快！夏天出得多汗個頭就好容易笠同埋出油，所以正正就需要呢支洗頭水嚟幫頭髮時刻保持清爽。

一睇個包裝同聽個名就知用完呢隻洗頭水就好似長期浸喺汪洋大海度比水包圍住，唔會感覺乾燥，只係會滋養水潤。結果用完又真係可以做到持久滋潤亮澤喎，好讚！

其實爸爸媽媽都話霸王係真心有效用，中醫藥嘅傳統秘方同天然資源，相比起西方嘅化學作用嚟得可靠同實用。佢陣味雖然唔討好，但係對上咗年紀嘅人嚟講佢絕對係頭髮救星，因為就算唔奢望頭髮濃密，都唔想愈嚟愈稀疏

中藥味嘅洗頭水同人參味嘅洗髮精一樣咁臭，睇到都唔想用? 不過係見媽媽成日話苦口良藥，唯有勉為其難試用一次啦。效果我覺得okay啦，起碼第二朝頭皮冇一塊塊咁甩出嚟，不過不失啦

檸檬有足夠嘅維他命c令細胞健康生長，所以當搽咗呢隻洗頭水，營養就自動滲透於頭皮入面，令髮根吸收檸檬精華，頭髮自然就生得好好睇睇。不過我覺得如果想快啲見到效果更顯著嘅話，買返針對性功用嘅洗頭水會好啲?

個人本身唔鐘意薄荷，覺得好臭，不過幸好佢呢隻洗髮精陣味唔係好濃烈，所以都接受到。夏天用佢一流，因為搽落個頭度已經好涼浸浸更消暑，連吹頭嗰陣啲熱風打落去冰涼嘅頭髮度都平衡返，唔會話吹完成身汗！

用完佢嘅焗油洗頭水，當然要配合埋佢嘅抗護焗油精華一併使用，咁樣效果先更顯著啦！結果用完真係髮尾冇以前咁會乾到亂咁翹，係順直水潤咗。

飄柔呢隻自然香味適中嘅洗頭水就啱我喇，因為頭髮乾到爆炸好似一根根枯死嘅草一樣嘅我，用咗佢一個月度，已經覺得有所改善，起碼見到貼服啲，唔會乾到之前咁蓬鬆。

又一隻人參味好重嘅洗頭水，討厭人參味嘅我真係唔係幾頂得順，瞓覺出街比風吹到有陣味嘅時候都好唔係幾鐘意，所以如果唔係屋企人買嚟用都唔會唧嚟試用一次。不過，睇媽媽染完髮頭髮乾哂用佢，係可以明顯修服到嘅。

絲質順滑型絕對啱我呢隻頭髮極旱極蓬鬆成個海格咁嘅人，用完佢吹完頭未梳已經覺得好輕柔，梳埋個頭更加好順好似電咗負離子咁，效果好好睇?

平時唔太敢亂買所謂去頭皮屑嘅洗頭水，怕會太刺激到頭皮，反而更傷更甩得多頭皮出嚟，不過聽人講潘婷唔會愈用愈嚟所以買嚟試，結果又真係喎，好用。