Yellownblue

哈哈每當剪完頭髮效果同理想差天共地嘅時候，心願就一定係想頭髮快啲生返長可以補救吓。所以之前上網睇流行呢支頭髮急急長嘅洗頭水，即刻買返屋企試吓，結果真係一星期可以長到一吋到，好開心?

佢嘅護髮素我覺得同其他品牌嘅差唔多，柔軟程度，持久度，順滑程度都係。但佢特別之處係真係可以有助頭髮增長，係其他產品冇嘅嘢，所以係吸引嘅?

夏天我都會懶唔用潤膚膏，不過一到冬天就真係冇得唔用。因為少用，所以一用就要好小心揀，怕刺激搞到皮膚敏感。施巴品牌不嬲出名ph值5.5，同人體皮膚平衡，所以嬰兒版就當然要試吓，結果真係唔笠又潤，一啲都冇過敏反應。

本來施巴嘅沐浴露柔和度已經好好，因為佢調整到ph值5.5同人體皮膚相若，所以bb版應該係更柔和舒適嘅，然而現實都真係用完好清爽，唔會刺激皮膚。

又係我最愛嘅nivea潤膚系列? 呢隻唔止純粹保濕滋潤肌膚，預防皮膚乾燥咁簡單，佢仲可以令肌膚緊緻保持彈性，滑溜溜仲唔會鬆弛，好睇咗好多?

哈哈一睇個包裝就覺得塊面膜啲精華液會好似醫院吊嗰啲營養補充劑一樣，成晚慢慢咁導入皮膚，逐漸滲透落毛孔，進行肌膚復修，補水工程，效果又真係咁喎?

嗯其實個包裝黑媽媽一啲都唔吸引哈哈，不過見係呢個牌子就諗住試吓，但我覺得其實同一般洗面奶冇乜特別太大分別，洗完唔會乾，清潔效果都幾好嘅冇爆瘡冇生粒粒，不過您話滑就唔太覺喇?

又一隻透明質酸面膜好推介，短短敷嗰二十分鐘，已經效果好水潤透亮，重點係敷完唔駛再洗臉，就咁由得啲精華等塊臉慢慢吸收，啱哂我呢啲懶人用?

面膜慣咗隔日敷，試過好多牌子都係敷咗兩三次就唔敷，但係呢隻用哂成盒仲有繼續買嚟用?佢真係好保濕，敷咗二十分鐘都仲好濕潤，瞓醒仲係有啲透明質酸精華喺臉，好水汪汪?

係好潤好潤好潤好潤嘅護膚膏，不嬲鐘意呢個牌子嘅保濕水潤產品?，吸收得快所以唔笠，但又可以維持到成日皮膚都唔乾，不過如果可以係擠出嚟用嘅話會再方便啲?

水嫩洗臉膏好用呀，擠一粒豆仔嘅份量已經可以起到好多泡，絕對唔稀，夠您捽哂成塊臉。洗完都覺得塊臉好似飲飽水咁有彈性，唔會乾，仲好香?！

呢支磨砂洗臉乳我多數一星期用兩至三次，佢擠少少溝啲水已經好起泡，可以捽匀成塊臉，而且洗完真係覺得乾淨咗，死皮黑白頭等等嘅污垢都好似冇哂咁，塊臉即刻滑咗，又香！