amyc888

如果要揀平靚正單色胭脂，呢款一定係首選。佢有血色效果，胭脂色會似做完運動果種透紅，好健康，好自然；就算平時唔化濃妝嘅人，都會覺得啱用。

估唔到平野有好，幾十蚊一個胭脂，用起來靚過好多百幾蚊嘅胭脂，唔會因為價錢而輸蝕。一邊啞色，一邊亮色，效果好立體。內有迷你胭脂掃，方便。

莎莎自家品牌，搵日本廠商製造，顏色好靚，有專櫃品牌質素。四色立體，可以打造不同效果。令到面頰更加立體，胭脂妝唔會太悶。公主feel嘅設計，幾靚。

設計係幾好，顏色太過鮮艷，普通人好難用，韓國人或者識化妝會用得着。印章設計用o係唇膏OK，用在胭脂好易over。呢個品牌又唔算平，有其他選擇。

睇見咁多款粉紅色粒粒，即刻心心眼。每盒有三片貓貓，貓奴一定要收藏。胭脂顏色有變化，唔會好悶咁，有啲似嬌蘭王牌胭脂，但係平好多，買得過。

一件 APeach 就鍾意到暈。粉紅色嘅包裝，性價比高嘅質地，係佢最大嘅賣點。格數好多，價錢又平，kakao friends 的粉絲及非粉絲都值得入手。

好少日本品牌推出胭脂棒，Kanebo 好有創意。顏色好通透，夠晒自然，就算最唔識化妝嘅人，都會用得好睇。我建議最好畫三筆，然後用粉底掃推開佢。

性價比高，佢同 Laneige 同公司，質素唔會差。胭脂幾貼服，幾個化妝師朋友都話好用。顏色選擇比較少，啡色系會太過深色，粉紅系又太過少女，要試真至揀。

Sisley化妝品唔係好多人識，識得用其實好好用。佢嘅唇膏已經出哂名，胭脂筆都一樣好用，有防汗效果，令到面頰飽滿立體，普通人都做到專業效果。

大家同樣係膏狀胭脂，同shu比Guerlain呢款靚好多，粉紅色好少女，用在面上好靚好粉嫩。加了高光元素，用在面上可以增強立體感 ，令到面頰飽滿。

花漾胭脂一睇就覺得好靚，好想即刻買。見到個價錢嚇一嚇，點解比平時貴咁多？雖然係靚但係我都要忍手。限量版都係咁話，今年太多彩妝太靚。

植村秀嘅膏狀胭脂唔容易用，好容易會用得太深色，呢款朱古力色就更加難搞，一不小心會令佢搞到一撻撻。雖然佢嘅外表真係好靚，但實用度不高。