amyc888

唔鍾意太有光澤嘅人，就可以揀呢一款BB Cream。佢嘅色澤比較似真皮膚，唔會令到太過分，似 second skin，裸妝效果一流。顏色選擇好多。

同一品牌有咁多款BB cream，呢款最有光澤，就算用在暗啞嘅皮膚，用咗之後都會好似靚咗好多咁，慳番好多用來做 highlight 嘅時間，又唔似韓系咁白。

好多鍾意化濃妝嘅人中意呢個品牌，我自己就覺得麻麻地，d顏色太過美國系，過咗鏡頭影相都仲OK，面對面就覺得太濃妝，浮粉，唔自然，唔like。

防曬度高而且有維他命C，Kiehl's d野一向唔會令人失望。美國品牌但係售價都OK，唔會貴到令人無法負擔。我最鍾意呢個品牌成日做善事，感覺唔市儈。

呢個韓國品牌嘅代言人係 G Dragon，順理成章佢都有比男仔用嘅 skincare 同 makeup，你估 G Dragon 係咪都用呢款 BB cream？顏色來講對男士來講係幾match。

有啲人話覺得佢唔夠厚，我反而覺得佢太厚，厚到好似毛孔都呼吸唔到，先至對得住佢個名 Putty。好在價錢唔係好貴，買錯咗就算，掉咗都唔可惜。

韓國牌子BB cream好興有兩種顏色：一種係珍珠粉紅色，一種係正常膚色。珍珠粉紅用來打底比較啱，正常膚色就可以代替粉底。視乎你自己選擇。

法國品牌 Clarins 旗下好多產品我都好鍾意，BB cream 係其中一款，顏色得一個，但係用落好自然，亞洲人用都OK。防曬度就稍嫌不足，如果高啲更好。

同一個品牌推出太多BB cream，其實會令人花多眼亂，可能諗唔到揀邊款。呢一款就比較注重護膚功能，遮瑕度偏低，睇吓你想要護膚定化妝功能多啲。

講明針對成熟肌膚，佢嘅滋潤度係偏高，偏乾嘅人會好鍾意，偏油嘅人就唔啱喇。防曬度夠高，顏色都幾自然，用佢當粉底已經綽綽有餘。唔錯。

質地較薄，如果本身皮膚幾好，用佢都夠。如果本身膚質唔夠好，就會覺得太薄。冇乜防曬功能，要自己另外打底。唔會影響膚質，有機成分仲有護膚功能。

Lancome 咁多支有色面霜當中，呢一款係最好。配方佢每年都改，改個包裝又再推出，其實都係差唔多嘅嘢，用開嘅人就會知道。防曬度夠高，幾好用。