amyc888

對一啲好鍾意洗到好乾好淨嘅人，呢支起泡嘅潔膚露會岩用啲。洗完之後清爽得好緊要，就算油性皮膚好勁油嘅人，用佢之後都會少咗粒粒。好岩男仔用。

雖然用潔膚霜係無卸妝油咁方便，但係對皮膚的傷害比較少。因為佢使用嘅時候拉扯比較少，對於特別乾嘅皮膚有保護作用。我自己就覺得值得再買。

呢個牌子o係美國好出名，因為有好多皮膚科醫生共同研發，針對濕疹人士嘅需要。呢支可以用來洗面或者洗身，舒緩濕疹人士嘅紅腫同埋痕癢，價錢又唔貴。

我覺得呢支卸妝水係成個品牌最好用嘅一支產品。佢真係一抹就乾淨，唔使三番四次咁抹，而且冇好奇怪嘅香味，令人用完覺得幾舒服。值得再買。

洗面粉比較麻煩，要慢慢搓起泡，我老公就覺得唔想用，於是我送比我細佬。後生男仔覺得煩都ok，最緊要洗得夠乾淨，又唔會繃繃緊，咁樣佢已經滿意。

買男人 skincare 係好難，佢地成日覺得洗面就算，乜都唔使搽。呢支洗面幾好用，至少我老公都話OK，佢話洗完唔乾唔繃緊，又唔使之後再搽野 。

有機產品價錢唔平，但係會對皮膚及環境帶來少啲嘅傷害。呢個牌子來自新西蘭，草本成分來自品牌自己嘅花園。淨係呢嘅樣嘢都值得欣賞。會再買。

呢支產品最特別係，佢係純素vegan產品，適合Vegan人士使用。市面上唔係好多，屬於 vegan 的 clean beauty 嘅產品。呢個牌子剛來香港，我覺得佢值得留低。好用又唔貴。

呢個牌子真係好好用，但係佢已經加價加到太貴啦，我要搵水貨去買，先至可以試到呢支mousse。酵素功能佢係做得幾好，皮膚用完有光澤，好用但好貴。

用佢洗面之後皮膚真係滑好多，好似貴價護膚品都可以用少d咁。我覺得好嘅洗面應該係好似佢咁，用完唔乾又夠滑，令人皮膚靚咗最緊要，因為洗面係護膚的第一步。

POLA呢個牌子我一直好想試，佢黑色嗰條line太過貴，我真係買唔起，紅色呢條link就係朋友推介，我覺得唔係差過黑色好多，用完皮膚真係有改善。我好滿意。

第一次見呢個牌子係o係莎莎，有BA推介，見佢平平地就試下。用過之後又覺得幾好，無伏。我幾鍾意佢用完唔敏感，洗完面塊面好乾淨好滑。唔錯。