amyc888

呢個寒蘭系列本來我係好鍾意，但係有一輪用完之後狂出油脂粒，即刻唔敢再用。或者對啲好乾既人來講係OK。對我來講就有少少太過滋潤。唔敢再試。

Biotherm d野好少人睇，其實好好用，例如係呢一支煥膚精華，搽在面上一啲都唔刺激，去角質效果唔會過火，皮膚用後好滑，黑頭白頭都減少左。

呢個牌子好似係卓悅代理，以前用過減肥霜，覺得都OK。今次佢將咖啡因加落面霜入面，瘦面及活膚，感覺幾認真，試得過。希望今次唔會令我失望。

KOSE 洗面膏如果o係專櫃買，至少百幾蚊，依家開架有得平咁多，梗係即刻要試試。用落同專櫃貨唔係爭好遠，唔通專櫃真係貴在交租？下次會再買。

黃金皂來講，呢個牌子好似係第一個出。以前o係日本都有見過，呢款好似比其他更加多黃金片，未用已經感到矜貴。洗面皂來講，佢算係好襟用，值呢個價錢。

一向都係shiseido嘅忠實粉絲，佢嘅產品通常都會超乎你想像咁好。洗面嚟講呢支算係好貴，但係用完真係白滑過用其他牌子，你會覺得再貴都係值嘅。

AHA果酸一向係暗瘡殺手，有暗瘡的人會鍾意用佢去抗痘、去印。用過呢支洗面之後，粒粒係少啲出現，皮膚唔會成日油笠笠。我最近皮膚比較乾，要停用。

呢個牌子真係瑞士製造，唔係好似其他咁只係瑞士牌子，所以個定價係貴少少，但係都物有所值。個真空包裝意念唔錯，可以將產品用到底，夠哂環保。

有啲潔面泡沫會令皮膚好乾，呢支冇呢個問題。佢乾淨得來可以清潔埋毛孔入面嘅污糟，令人覺得洗完面好似做完facial咁乾淨，感覺洗面都可以係享受。

潔面奶唔係個個品牌都好用，PAYOT 呢款我真心推介，因為佢係美容師鍾意用，當來做facial都得。除o左卸妝仲可以用來按摩，在面部打圈去水腫，效果唔錯。

聽講美容師會推介呢一款潔面啫喱比好多暗瘡嘅客人，因為佢嘅抗菌作用，可以減少暗瘡嘅出現。好多粒粒o係塊面、膚質又好油嘅客，用左佢之後會大大改善。

市面上咁多款黑頭鼻貼，我最鍾意就係花王呢一款。因為佢黑色底令你覺得你撕出嚟嘅黑頭好多、好明顯，用完望下個鼻貼都有滿足感。用完一盒又再買。