Charissa Tsoi

Too Cool For School既化妝品一向都係玩味濃，感覺上佢既質量都係一般般，但經過今次試用佢地既白滑雞蛋提拉緊緻面霜之後，我對呢個牌子完完全全地改觀～ Too Cool For School 白滑雞蛋提拉緊緻面霜呈黃色，而質地就好似cream狀，但好杰身，仲可以好似cheese咁拉到絲出黎，感覺上好rich～但搽上面就易推開，輕輕按摩一陣就吸收晒，滋潤得黎又唔笠，肌膚既光澤感仲即時提升，摸落嫩滑左，肌膚中既水份仲得到即時即提升，效果唔錯，比想像中好好多添～呢隻cream我會選擇夜晚搽，咁一起身就可以潤、白、彈、滑，塊面仲firm左，冇咁包～上妝都易啲，塊面睇落都瘦啲～一起身，肌膚就好似剝殼雞蛋咁～正！ 至於香味方面，味道比較濃，仲好long lasting～可以keep到半日，友人仲以為我搽左香水添^_^但對於鼻敏感既sis黎講，可能就未必係一件好事啦，我建議有鼻敏感或者敏感肌既sis先試一試，因為陣味未必個個都接受到架～

一直都聽講果酸煥膚好掂，可以加快新陳代謝，暗粒暗倉印都褪得快啲呀，而且毛孔都會變得更細緻。但另一方面又同人話，用完『酸』一定要勁補水，否則就適得其反。 今次試用既philosophy微導煥膚睡眠修護組合可以解決我既疑慮之餘，仲可以做到我想要既效果，更重要既係訓前做兩個step，一訓醒就靚晒！ Step 1 - aha/bha 免沖洗煥膚精華 將aha/bha免沖洗煥膚精華配合特製既化妝棉輕輕抹係面上，係有需要既位置再輕輕打圈(試用裝為沾有aha/bha免沖洗煥膚精華既化妝棉，但略嫌精華唔夠，開左要立即用，快手地抹左塊面一次就已經乾晒，但貨裝為泵裝，可以自己控制分量，唔使擔心~)，然後等2分鐘左右，等精華完全吸收，而成個過程完全冇刺痛既感覺，用完係好乾爽 再睇下塊化妝棉，睇到差唔多成半塊都灰灰黃黃咁，原來呢個step除左令皮膚吸收可以煥膚既「酸」之外，仲可以去除角質層，令續後既護膚品更易吸收，亦可令黑頭粉刺更易推出，令肌膚更富光澤感，唔會再暗啞無光～ Step 2 - 嫩膚睡眠啫喱 將適當份量既嫩膚睡眠啫喱搽係面上，就可以訓教架啦！ 呢隻嫩膚睡眠啫喱係藍色啫喱狀，好易推開，搽上面既時候有少少涼，好清爽，完全唔笠，而且陣味仲好自然，淡淡既香味令人好relax~ 我訓前習慣再睇下電話5-10分鐘，面上既嫩膚睡眠啫喱係個陣已經吸收左六七成，感覺到好清爽，但咁快就吸收左咁多，真係有啲擔心聽朝塊面會好乾，完全唔上妝！ 翌日 - 意外地，皮膚變得平滑，面上既印都減淡左，細紋幼紋亦開始減淡，而面頰粗大既毛孔都變得細緻，肌膚亦變得水潤、有光澤，當日既底妝都好貼服！相信持續使用(一星期兩次左右)，想擁有無瑕肌？話咁易！

SUR PUR登陸香港只係幾個月既時間，相信大家都唔太認識呢個品牌，而今次我好榮幸可以一試佢地既『白鑽修復面膜』，試一試佢地既厲害！ SUR PUR既白鑽修復面膜係cream mask既一種，呈白色cream狀，好易推開，推開後係透明狀，推開既時候感覺到佢好rich，我仲好擔心會好難吸收添！點知一搽上面，就涼涼地，之後就感覺到有一層薄膜包住塊面。十五分鐘之後，面上既cream mask比皮膚吸收晒，皮膚即時好有光澤，再睇唔到任何cream狀既物體係塊面度，即時覺得之前既擔心 - 『覺得佢比較rich，怕好難吸收』係多餘既！洗面之後，完全冇繃緊既感覺，仲感到皮膚更飽滿、更有彈性、更有光澤，仲即時soft左，細紋仲開始減淡！第二日既底妝好貼服，效果都幾long lasting，成個人睇落都精神左好多！ 最後，再講下我敷呢個面膜既護膚程序： 洗面→爽膚→搽精華打底→ SUR PUR白鑽修復面膜(薄薄搽一層，面同頸都需要，十五分鐘後洗面)→(個人再習慣，覺得洗面後會洗晒啲精華，所以搽多一次，或有人覺得皮膚已經吸收左精華，搽面霜就可以)爽膚→精華→面霜同眼霜 其實敷cream mask唔需要擔心paper mask會發生既倒吸問題，仲唔一定會訓係度敷，可以自由活動，所以我都幾鐘意cream mask架！ 今次既試用令我對SUR PUR留下一個唔錯既印象，買黎試下啦，你都一定會愛上！真心正！

試左好多唔同既補濕產品，塊面依然好乾燥？咁你一定一定要試 ~ SKII護膚精華油！想滋潤肌膚同深度補水？無難度！ 又可以再一次試到護膚品牌既傳奇 - SKII既產品！今次試既係SKII新出既護膚精華油，當中含有38.2%既pitera同61.8%既天然精華油，同平時既護膚油唔同，你見到佢係分左兩層架，記住必須搖成一層先可以用，一滴就有晒pitera同天然精華油，而且每一滴都帶有淡淡既薰衣草香味，令人更relax！提到「油」，我以為成件事會好rich，塊面會好好油笠笠，但呢隻護膚精華油就唔會，質地唔算太稀，好易推開，肌膚都好快吸收到，吸收後絕對冇油笠笠既感覺，反而好清爽！用後，我既肌膚明顯會比較有光澤，改善左暗啞既問題，成個人睇落都精神左同後生左！而且肌膚都比之前更柔軟細滑、水嫩透彈，效果十分好，簡直係「神仙油」！ 至於用法，我就會咁用： 1. 朝中：洗面爽膚後，用神仙水拍上面，之後用兩至三滴護膚精華油滴係掌心，推開後再輕輕印上面，直到吸收，然後就可以搽精華同面霜 2.晚上： 洗面爽膚後，用神仙水拍上面， 滴五至七滴護膚精華油係掌心，係面上按摩，直至吸收，然後就可以直接訓教(間中做法，第二日塊都好柔軟水潤，個人認為適當時候要比皮膚休息一下，因為皮膚要吸收咁都護膚品都會攰，甚至搽太多護膚品未必吸收得晒，而且皮膚都要休息一下架！)或者再搽精華同面霜 當你用掌心按完塊面，其實你掌心都好似做完手部護理咁，會即時感到好細嫩柔軟！你都快啲黎試下啦！

天氣一乾燥，皮膚就會唔聽話，上妝後更好似戴左面具咁！所以平時既補水鎖水功夫真係好重要！ 除左平日既護理，我都會用啲有修護成分、較滋潤既化妝品架－Shu Uemura瞬間亮肌BB霜SPF30 PA++！呢隻BB霜好水潤易推，搽左上面都好貼服自然，而且肌膚摸落會細滑左，仲會更soft，好似bb既肌膚咁！BB霜黎講遮瑕能力唔錯，可以遮到基本既瑕疵，但要遮晒我個千年黑眼圈都係要用返遮瑕膏先遮晒，而呢隻bb霜都可以遮到少少，黑眼圈淺既人話唔定會遮晒添！加上，佢有防曬同提亮既功效，用完皮膚睇落會比較透白、有光澤！趕住出門用既話 - 一流，一支就可以打底、防曬、遮瑕同提亮，搽少左好多野之餘，底妝會更透薄、自然、貼服、水潤細嫩幼滑同有光澤！咁正咁好用都只係$360/30ml！抵到爛！

聽講係美魔女們既凍齡秘訣 - SKII護膚精華！ 今次終於可以親身體驗神仙水既威力啦！！神仙水係透明既水狀液體，但係帶有一種自然既酵母味道，聞落好舒服好天然！加上神仙水既獨特配方，可以溫和地清除老化角質，並幫助調節肌膚更新週期，從而改變肌膚，令肌膚晶瑩剔透！而且用途多多，我通常都會咁用： 1.洗完面，用完化妝水，我會配合化妝棉或者直接將神仙水輕輕拍上塊面，直至吸收。然後神仙水就會發揮作用，令你之後搽既護膚品更吸收！ 2.面膜前後使用，敷面膜前輕輕拍啲神仙水上面可以令皮膚更易吸收之後既面膜精華，而敷完面膜都可以拍神仙水上面，都可以令皮膚更易吸收剩底既面膜精華架，同時都會令之後搽既護膚品更易吸收！ 3.可以用化妝棉將神仙水濕敷上面，令肌膚更彈滑透白！暗倉印仲會快啲退添！ SKII既護膚精華真係一樣神仙水，不但用途多多，仲可以提升其他護膚品既功效，更可以調理膚質，令我既皮膚變得更細嫩無瑕！長期用更可令肌齡逆轉！難怪個個都咁愛神仙水！

每日OT捱夜、加上大大小小既聖誕party，淨係保濕？唔夠！ 今次試用Vichy既理想新肌嫩膚精華同理想新肌面霜！首先，呢個系列既色調係粉紅色，就連精華同面霜都有淡粉紅色，好靚！再仔細睇下，呢個理想新肌系列加入左理想新肌複合物，可以深入到真皮層，可即時令肌膚飽滿以及改善肌膚，令肌膚維護理想既狀態。 洗完面、用左toner，我就會搽理想新肌嫩膚精華，佢好易推開，質感幼滑，皮膚好易吸收，而且唔笠！肌膚即時好似飲飽水咁，而且富有光澤感，改善暗啞！ 之後我就會用理想新肌面霜，就係好易推開，雖然感覺上好滋潤，但用後竟然唔笠，仲好快吸收，吸收後會令肌膚出現光澤感。同時，肌膚就變得水潤彈滑。 兩者配合使用，效果會更佳！我比較鐘意夜晚用呢個Vichy既理想新肌嫩膚精華同理想新肌面霜，佢有淡香，聞落好舒服！加上，訓醒之後，肌膚會好水嫩柔滑，亦有光澤，上妝都易啲！

無論天氣乾燥與否，肌膚既保濕都佔左一個重要既部份，特別係冬天~天氣好乾燥既時候。 Bicelle既B5補濕抗氧限量體驗組合就滿足左我貪新鮮、想試啱先買既要求，可以試齊全效維他命B5補濕精華、全效維他命B5補濕霜同B5抗氧補濕面膜，仲有$20現金券，等我可以試啱就買，同時減輕下我荷包既負擔！ 首先，洗完面用完toner就用b5補濕精華，只係用三至四滴就可以塗晒成塊面，易推開又易吸收，感覺上係即時補水，又唔笠，仲有啲滑滑地既感覺，加上無香，相信啱晒鼻敏感既朋友！ 之後就用b5補濕霜，感覺係上好rich、會好笠，但又唔係喎！佢雖然好rich，但好易推開、好快吸收晒，唔笠仲幾清爽添。 最後係B5抗氧補濕面膜，只係敷十至十五分鐘就得架啦，質地係滑溜既生物纖維面膜，而唔係paper mask，好貼面！一上手感覺到好重好、充滿精華，敷完之後，塊面膜輕左、薄左，啲精華比皮膚吸收晒，敷後再按摩一陣，啲精華就完全吸收晒。 完成呢三個步驟，皮膚已經係飲飽水既狀態！！第二日上妝，仲好貼服自然，好明顯就係bicelle呢三個步驟既功效啦！

唔好再亡羊補牢啦～我深信緊緻抗老係每日都唔可以缺少既部分！ R.N.A.立體緊緻精華霜係一個唔錯既選擇～佢既質感好柔滑，有淡淡既香味，由於好易推開既關係，每次只係用好少就已經搽晒成塊面，仲好快吸收晒，潤得黎又唔笠。用後皮膚會有光澤，改善左暗啞既問題，成個人睇落精神左！只係用左短短幾日，細紋幼紋慢慢減淡，同時覺得塊面firm左冇咁腫！ 雖然我只有二十頭，但我已經加入少部分緊緻抗老既產品係我既護膚程序入面，其實只有一直用，你既皮膚先可以keep住緊緻，先可以做到凍齡，做「美魔女」！只係隨年紀既增長，用既緊緻抗老既產品會越來越多！但護膚品只係其中一部分，仲要配合生活同飲食習慣先可以真正做到抗老架！