Emma Law

我一年四季都要美白 夏天防曬淡斑 冬天就全面淨白 美白產品係絕對不能偷懶 最近就試用左Dermastir Ampoules Vitamin C維他命C安瓶精華 試用左一段時間　效果令人滿意 精華液質地呈水狀，易推容易吸收 即時感覺舒服水潤 用上臉後即時令肌膚提亮不少 潤澤效果佳 有一定既補濕功效 使用期間冇特別使用補濕精華都絕對冇問題!! 第二日可見整體膚色明亮左 而因針清造成既印亦可以見到比平日退得快 精華素亦冇造成任何敏感既情況

最近天氣乾燥 皮膚真係乾到爆炸 必須勤力做補濕補濕同補濕 正好就係試用Ampoules EGF Oligo Peptide表皮生長因安瓶精華既好時機啦 EGF係促進細胞更新和傷口修復的抗衰老成分. 可以令皮膚內新細胞的比例增加， 皮膚就可以保持年輕。 精華質地較厚身 需要時間慢慢推開至吸收 建議可配合按摩手法/美容機使用 可令精華更為吸收 一支既精華份量都幾多 所以我會用黎順便按摩埋頸部 即時補濕度好高 第二日既效果亦十分顯著 臉上既乾紋明顯減少 特別適合乾燥肌膚 肌膚用後變得水潤柔軟

夏天護膚最重要既就係美白排毒 因為每日不停地出油出汗 加上空氣既污染 毛孔真係日日都係到食緊塵 加上紫外線指數較高 難免點都會曬黑左少少 所以一個可以為肌膚潔淨排毒美白既面膜真係好重要! 今次試用既MALIN+GOETZ detox face mask就可以做到啦 【使用方法】 係臉上塗上面膜並輕輕按摩 產生氣泡後等侯5分鐘 其後按摩以作深層清潔並用溫水洗淨 【質感】 面膜呈奶白色乳霜狀 味道係淡淡既杏仁香味 塗抺時感覺幼滑易推 面膜接觸空氣後好快就會產生豐富泡沫 所以塗抺都要快手點 因為產生左泡沫時就會較難推開 【用後感】 泡沫面膜感覺好得意 喜歡佢既淡淡杏仁香味 聞落好舒服relax 起泡效果因應時間需變得更豐富 濃厚既泡泡佈滿全臉 感覺面膜好似吸緊皮膚既污糟野咁 即時使用後 皮膚明顯乾淨左 膚色亦都即時顯白左 用後即時針清 污糟野亦較易清潔 一個面膜已經可以做到美白潔淨 十分適合係今個夏日用黎愛鍚一下皮膚呀!

「主要成分」 南韓東醫寶鑑配方PURITOX真 (升麻、葛根、芍藥、甘草) 角鯊烷 海藻糖提取物 積雪草和馬齒莧蘺萃取物 「功效」 能舒緩敏感 具抗菌 消炎 抗氧化等功效 補水同時鎮靜和強化肌膚抵抗力 舒緩因缺水而產生的痕癢及泛紅 改善暗啞膚色 亦可促進肌膚代謝 令肌膚回復健康 「使用方式」 早晚使用 作為護膚程序最後一步 「質感」 面霜質地呈凝膠質地 塗上肌膚 輕輕按摩 好易推開 吸收得都算唔錯 唔會有好黏膩既感覺 味道方面較為淡 冇特別既香料或花香味道 「用後感」 透明凝膠質地 容易吸收 輕輕按摩 會慢慢被吸收 化妝前使用亦不會黏笠 亦唔會起擦膠碎 亦冇起油脂粒既情況出現 補水力不俗 用後乾紋有見減淡 特別推介俾好似我咁想對抗初老既女仔們

Avène既產品出哂名天然温和 當中以抗敏活泉水最廣為人知 相信係不少OL既枱頭必備 以水源直接完善封存既全天然活泉水 不含任何防腐劑或添加劑 保持徹底純淨 而Avène既產品都具有抗敏活泉水 今次就有幸試左極敏感系列之中既高效抗敏保濕面膜 【成份】 Avène抗敏活泉水 甘油 三酸甘油脂 山崳醇 乳木果脂 紅花籽油 丙烯酸脂 醫學無菌專利技術製成 百份百安全可靠 不含任何防腐抗菌物質 有效保護肌膚及維持天然益菌數量 嚴選物理兼容的有益成分 為受損及脆弱肌膚修補皮脂保護屏障 【3大特點】 1. 模仿人體皮脂結構 提供必需養份 2. 細胞相融物質 分子縮少75% 極速滲透吸收 3. 專利無菌護膚科技 百分百安全可靠 最多只有7種成份 【質感】 色澤米白 質地幼滑 延展性強 cream狀mask好易推開 無特別香味 感覺舒服 清洗容易 唔會拉扯到肌膚 【使用方式】 於潔面後取約5-7ml 均勻塗搽全面 靜待約五分鐘後 以清水潔面 然後噴上抗敏活泉水及塗搽面霜即可 【用後感】 面膜塗上臉好易推開 容易推得均勻 上臉感覺舒服清爽 面膜容易滲透 顏色會因應時間慢慢變淡 感覺就好似肌膚吸收哂當中既營養咁 最欣賞既係面膜容易洗走 輕輕按摩已能完全潔淨 用後感覺保濕 舒適 皮膚繃緊狀況得以舒緩 5分鐘既時間已達至明顯既保濕效果 係急救同舒緩不適既大好良物 長期使用相信可改善肌膚質素 保持濕潤彈滑既肌膚

香港既空氣質素好差 皮膚好易暗啞發黃 所以依家好多護膚品都加入左一個元素就係「排毒」 排毒後再作保養先可以令之後既護膚品吸收 咁先可以keep到白滑通透既肌膚 而一塊排毒既侏養面膜可以話係最快捷有效既方法 今次就為大家介紹一款排毒面膜啦 佢就係SNOW FOX既北極微風排毒面膜啦 面膜一拎出黎非常濕潤 有淡淡類似薄荷既香味 面膜質地貼臉 可以包住哂成塊臉 剪裁好fit size 質地好薄敷落好舒服 敷時有淡淡既香味都幾relax嫁 敷完皮膚即時濕潤飽滿 仲有涼涼既感覺 做到即時提亮膚色、潔淨既效果 而且用後保濕感唔錯 之後搽反D lotion就ok 而且即時既美白效果亦令人相當滿意

皮膚要好 滋潤補水美白產品固然重要 但基本既清潔係更加重要 試諗諗係厚厚既角質之下 皮膚又點會吸收到保養品 成千蚊支既精華素分分中俾D角質吸哂 深層既皮膚根本完全吸收唔到 咁皮膚又點會好呢 更重要既係角質會令皮膚暗啞 容易起油脂粒暗瘡 所以屋企點都要去角質產品傍身 SKII呢款CLEAR LOTION係可以日日用既溫和去角質產品 可以取代TONER咁用 洗完面用化妝綿打圈抺臉 當中蘊含SK-II專有既Pitera 同時具有護膚既功效 可以令之後既護膚品更加吸收 佢唔算一抺化妝綿就會有黃黃黑黑既效果 但佢係日日幫你少少咁清潔 比較唔刺激 適合皮膚較薄 同埋比較懶既朋友 有時我得閒時都會用導出機用佢 效果更加好嫁

R.N.A.立體緊緻精華霜 1日常護理 淡黃色既精華霜 質地軟滑creamy 延展力強 輕輕力已能推開 滋潤度好唔錯 但好快吸收唔會笠 早晚使用都十分適合 即使夏天都絕冇問題 平日可用5毫子既分量 搽均全臉 輕輕按摩至吸收 用完馬上做到滋潤同光澤感 長期使用 有助抗老 保持緊緻彈滑既肌膚 2配合按摩器使用 如果屋企有按摩器既 可以用1元份量既精華霜搽均全臉 然後利用按摩器按摩5-10分鐘(視乎按摩器所需) 可以幫助精華霜更快及更深入地吸收 按摩完可利用紙巾輕輕按走多餘既精華霜 每次按完都好似做完facial咁緊緻飽滿 係我每星期必做既家居保養 長期使用SK-II 我發現毛孔 細紋都有明顯減淡既情況 皮膚變得細滑　柔嫩　光澤　細緻 摸落手觸感好柔滑　補濕效果好好 絕對係我保持BB肌既好幫手:)

Facial Treatment Essence 神仙水 1基本護理 夜晚潔面後　以神仙水沾濕化妝綿抹臉 洗面後　用化妝綿抹哂成塊臉 等神仙水可以作為多一層既清潔同保濕 抹完後　利用雙手輕拍面至完全吸收 可以有助收細毛孔　而且保濕效果超級好 2重點濕敷 利用化妝綿於化妝前抹臉　並於兩頰濕敷 係化妝前先將神仙水倒係2張化妝綿上抹臉 抹完全臉後　將2張化妝綿分開敷係兩頰既位置 敷大約3-4分鐘　再上妝會更加貼服 同埋兩頰感覺會更加飽滿同粉嫩 岩哂我打完斑斑既兩頰:) 3全臉濕敷 試過夜訓後皮膚好殘好乾 就大手筆d倒多d神仙水落面膜紙到濕 一敷皮膚感覺係吸緊d精華　同有漲卜卜既感覺 濕敷大約10分鐘內　視乎個人既皮膚吸收快慢 到面膜乾左一半到就可以 敷完皮膚真係好似飲飽水咁　好通透水嫩 係一個快速補水　同令皮膚精神為之一振既保養方法 4早上去眼水腫 朝早起身好多時都會眼腫 推介大家一個好方法呀 臨訓前將2塊化妝綿沾滿神仙水 然後擺入冰霜雪佢一晚 第2朝拎佢出黎冰敷雙眼1分鐘 馬上變返BLING BLING眼

SK-II既R.N.A Power系列一直都係我既每日必用產品 佢既抗老同滋潤效果真係好值得推介 除左功效顯著外 唔會油笠笠都係好重要既因素 而R.N.A Power系列最近就增添左一位新成員 就係R.N.A.立體緊緻修護眼霜 我當然就要急不及待試用啦 「成份」 以 SK-II 首創的「Radical New Age Complex」調配而成 由 R.N.A.複方中蘊含大豆精華及酵母精華的抗老成分 配合 PITERA及綠球藻精華 再注入全新成份環狀引流因子-紫花苜蓿及白羽扇豆萃取 從根源提昇眼部肌膚內在彈性 修復同時強化肌膚 「質感」 眼霜偏向厚身質感 色澤米白遍黃 延展性強 輕輕按摩十分容易吸收 質地幼滑 按摩眼晴感覺舒服 唔會拉扯到肌膚 「使用方式」 1.基本護理使用 係早晚潔臉面 toner 潤臉後 取約0.5厘米份量於無名指 輕輕薄塗於雙眼周圍 將無名指由外眼角滑至內眼角處 再向上移動至眉骨 從上方滑回眼角 以打圈方式按摩外眼角 促進淋巴 然後向內側旋轉後輕輕將肌膚向下側拉伸 重複5次 最後係五個關鍵點處分別按壓 每一處按壓2次 每次持續3秒 加強眼部既血液循環 2.混合遮暇膏使用 有時買反黎既遮暇膏會太厚太乾 用黎遮眼就會起哂乾紋同推唔勻 但只要係遮暇膏上加入眼霜混合就冇哂問題啦 混合後既眼霜會即時變得較透薄 遮暇膏亦都會變得較幼滑同易推 而且仲有多左一份光澤感 可以打亮眼睛 真係一舉兩得 除左可以善用到支遮暇膏外 加入左眼霜仲可以滋養到眼部四周添 3.早上冰敷後使用 朝早起身好多時都會眼腫 推介大家一個好方法呀 臨訓前將2塊化妝綿沾滿神仙水 然後擺入冰霜雪佢一晚 第2朝拎佢出黎冰敷雙眼1分鐘 然後再用R.N.A眼霜按摩 眼部即時會冇咁水腫 而且眼周亦會較濕潤 個日化既眼妝亦都會較持久嫁 「用後感」 眼霜用後即時感覺滋潤 按摩雙眼容易吸收 皮膚感覺唔會痴笠笠 按摩眼周後 眼周即時明亮左同有光澤感 用左一星期到 效果都算好唔錯 由於前排好忙同捱晚 黑眼圈明顯勁左 用遮暇都唔係好遮到 成個人好殘 但用左R.N.A眼霜之後 作息亦都正常反 眼圈明顯有所改善 至少遮暇都遮得到 眼紋都冇咁深 眼亦冇咁腫 雙眼可以見到有神左 大左DD咁啦:P 長期配合其他2樣R.N.A系列使用 相信一定可以有助抗衰老 保持緊緻彈滑既肌膚啦:)

化妝我最在乎既就係眼睫毛 因為可以令對眼望落大D 有神D 我習慣會利用風筒吹一吹睫毛夾先夾睫毛 咁樣睫毛就可以捲曲D同持久D 不過咁做對眼睫毛既傷害都唔少 加上防水既MASCARA同BASE 卸妝時對眼睫毛又係另一負擔 所以每晚護膚後都要用一用美睫產品黎修護一下 而今次試用既就係RevitaLash Advanced Eyelash Conditioner 激活美睫增生精華啦 【成分】 美國首個睫毛護理專利品牌 全球熱賣接近3百萬支 由專業眼科醫生研創 專利配方蘊含BIOPEPTIN COMPLEX CURL EFFECT及天然滋養成份 【功效】 強效改善掉落 促進睫毛健康生長 深層活化髮根與毛囊 強化現有睫毛 回復健康強韌 幫助睫毛保持水份 調整pH值 令新生的睫毛健康而強韌 做到濃密纖長的效果 【掃頭及質感】 特製掃頭尖端纖細 能更易及精細地塗在睫毛根部位置 掃頭柔軟 不刺激皮膚 睫毛精華無色無味 【使用方法1: 晚間修護】 每晚卸除眼妝後 清潔臉部 塗抺所有保養品後 在眼睫毛上 用尖形的刷毛由根部開始往前端掃上激活美睫增生精華 【使用方法2:妝前使用】 每日化妝都要夾眼睫毛 都咪話唔傷呀 所以係化妝前先輕輕掃上激活美睫增生精華作打底之用 但份量唔好太多 重點係睫毛夾既位置點上就可以 如果太多睫毛可能就會夾唔起嫁啦 【使用方法3:修護眉毛】 除左眼睫毛之外 有時我仲會用係眉毛上 由於我天生眉毛比較少 有時自己拔眉又會失下手 拔多左 所以我會係眉頭同較稀疏既位置搽上精華 幫助眉毛生長得快D同冇咁易甩 【用後感】 產品性質溫和 即使唔小心整到眼睛 都唔會感覺刺激引致流眼水 使用一個多星期 睫毛明顯強健左 夾眼睫毛時睫毛較易捲曲 卸妝時眼睫毛亦都冇咁易脫落 而增長效果未算十分顯著 相信用長D時間效果會更好 如果想眼睫毛長d濃d 無咁易斷既朋友就要用佢啦 keep住日日用佢 你會發現睫毛無咁易斷嫁

最近網上經常會見到Geheimnis鑽石拉提噴霧既廣告 據聞只要噴上後只需3分鐘即可呈現拉提效果 持續使用更可於兩星期內改善深層肌膚細胞質素 提高肌膚含水量 改善黑眼圈 收細眼袋 撫平細紋 收細毛孔 令肌膚真正緊緻 年輕 亮白 好似施展左魔法一樣 講到咁神奇 當然我就要試一試啦 「成份」 瑞士研製細胞導入能量鑽石粉及先進高效納米金 讓三、五、六胜肽能極速滲透至細胞核心 刺激膠原蛋白即時增生 「質感」 味道非常淡 其實係冇咩香味 較為厚身既水狀質地 感覺清爽 但都需要少少時間先可以完全吸收 「使用方式」 清潔面部然後拍上爽膚水 之後就將鑽石拉提噴霧直接噴上面部(包括眼部四周)及耳背待乾 待噴霧徹底被吸收後塗上適當面霜 建議噴上後不要拍打或按摩臉部 只需靜靜等待 令肌膚自然吸收 效果會最好 「即時效果」 噴上後肌膚即時補充左水份 令洗完臉既皮膚唔會感覺繃緊 而面部既輪廓有輕微提昇 未算去到Ｖ臉效果 但你會感覺到皮膚係緊緻左 冇咁水腫 而膚色因為補水既關係亦光澤左 妝容亦較為貼服 而佢既防敏配方能提升及強化肌膚對致敏原既抵禦力 出街時隨時拎出黎補妝前用的確唔錯:)

SK-II 我係25歲前已經開始用 好多人都以為過左30歲先用 但我成日都話過左30先黎抗老就永遠都係30 而我25歲前已經開始 就可以保持到唔過25 而抗老保濕既牌子 最推介既一定係SK-II 當中既神仙水係我每日必用既 而最近就收到SK-II既3件皇牌產品 真係岩哂我岩岩打完LASER極需要保濕既皮膚 以下就係一D我對依3件產品既慣常用法啦 (1)淨肌護膚潔面乳 每次用5毫子份量 加少少水 都算容易打出泡沫 但唔算好多泡 味道我係超中意 淡淡既花香味 一路打圈按摩一路感覺very relax 質感好滑好soft 肌膚感覺舒服 沖水後皮膚變得好乾淨 臉上既污垢同油光都洗得乾乾淨淨 摸落皮膚好滑同有彈性 絕冇繃緊既感覺 保濕度唔錯唔錯 (2)Facial Treatment Essence 神仙水 2.1基本護理 夜晚潔面後　以神仙水沾濕化妝綿抹臉 洗面後　用化妝綿抹哂成塊臉 等神仙水可以作為多一層既清潔同保濕 抹完後　利用雙手輕拍面至完全吸收 可以有助收細毛孔　而且保濕效果超級好 2.2重點濕敷 利用化妝綿於化妝前抹臉　並於兩頰濕敷 係化妝前先將神仙水倒係2張化妝綿上抹臉 抹完全臉後　將2張化妝綿分開敷係兩頰既位置 敷大約3-4分鐘　再上妝會更加貼服 同埋兩頰感覺會更加飽滿同粉嫩 岩哂我打完斑斑既兩頰:) 2.3全臉濕敷 試過夜訓後皮膚好殘好乾 就大手筆d倒多d神仙水落面膜紙到濕 一敷皮膚感覺係吸緊d精華　同有漲卜卜既感覺 濕敷大約10分鐘內　視乎個人既皮膚吸收快慢 到面膜乾左一半到就可以 敷完皮膚真係好似飲飽水咁　好通透水嫩 係一個快速補水　同令皮膚精神為之一振既保養方法 (3.)R.N.A.立體緊緻精華霜 3.1日常護理 淡黃色既精華霜 質地軟滑creamy 延展力強 輕輕力已能推開 滋潤度好唔錯 但好快吸收唔會笠 早晚使用都十分適合 即使夏天都絕冇問題 平日可用5毫子既分量 搽均全臉 輕輕按摩至吸收 用完馬上做到滋潤同光澤感 長期使用 有助抗老 保持緊緻彈滑既肌膚 3.2配合按摩器使用 如果屋企有按摩器既 可以用1元份量既精華霜搽均全臉 然後利用按摩器按摩5-10分鐘(視乎按摩器所需) 可以幫助精華霜更快及更深入地吸收 按摩完可利用紙巾輕輕按走多餘既精華霜 每次按完都好似做完facial咁緊緻飽滿 係我每星期必做既家居保養 長期使用SK-II 我發現毛孔 細紋都有明顯減淡既情況 皮膚變得細滑　柔嫩　光澤　細緻 摸落手觸感好柔滑　補濕效果好好 絕對係我保持BB肌既好幫手:)

SKINFOOD既產品我自己一向都有用開 黑糖MASK係超級推介既 而今次就試用左柚子水份C亮白保濕精華 希望可以對抗到超級猛既太陽啦 「成份」 柚子提取物20%、煙酰胺、果香檸檬油、西蘭花提取物、柚子精油、蘆薈水、王橘皮精油 「質感」 精華素偏向厚身質感 色澤米白色 延展性強 輕輕按摩都算容易吸收 產品帶有淡淡既檸檬味 清香舒服 「使用方式」 基本護膚時使用 係早晚洗完面用完toner後 用5-7滴到既份量作全面按摩 並於色斑位置重點拍打 「即時效果」 產品雖然都算容易吸收 皮膚感覺亦都唔會痴笠笠 全面按摩後 皮膚即時明亮左同有光澤感 補水力亦不錯 但只得一包未能測試到淡斑效果 味道清新 岩哂夏日使用啦:)

女孩子要保持年輕 除左要好好做好臉部保養外 手部既保養都唔可以懶嫁 一懶倒刺 乾紋 甩皮就會出現 所以一定要勤力用hand cream 今次試用左CRABTREE & EVELYN 既Gardeners手部修護霜 以下係我既一d我使用後既小分享:) 【成份】 採用天然植物配方調配 含乳木果油 歐蓍草 車軸草和金盞花精華 能瞬間修復及滋潤雙手因整天工作勞損而引致的粗糙肌膚 【包裝】 新款既hand cream由鋁管裝換成左依家既塑膠管 更輕便 而且更環保 新全既hand cream係有錫紙膜密封保護 保證係使用前絕對新鮮衛生 【氣味】 天然既植物香草味 唔似品牌其他hand cream既強烈花香味道 味道聞落去令人感覺置身於香草花園之中 【質感】 乳白色cream狀 質地細滑輕盈 非常容易推開 吸收力亦不俗 按摩完亦好快變得清爽 冇痴笠笠既感覺 但不失滋潤 【用後感】 普通用法係洗手後取適量既hand cream 作全手按摩至hand cream完全吸收 可即時達到滋潤及補濕既效果 臨訓前則用比較多既份量 先將hand cream搓暖 然後逐隻手指按摩 有助更容易吸收 作整晚既滋潤 另外一星期1-2次利用護手套包實作深層hand mask 雙手成功變得更嫩滑 倒刺及paper cut既情況亦有所減少

最近天氣真係熱到不得了 太陽真係超級猛 而太陽不停地曬住皮膚 肌膚會不期然加速老化 皮膚變得又黃又乾 缺水既情況就會發生 夏日炎炎 除左一支好既防曬外 一支好既美白精華都好重要 今次就試用左Obagi既左旋維他命C精華素 當中既左旋維他命C就有助解決種重色斑 暗啞及氧化既問題啦 「成份」 Obagi是連續15年的美國第一醫學美容品牌 其維他命C產品針對不同皮膚問題 這支精華素含15% 左旋維他命C 濃度適合所有皮膚 而且具有特強滲透能力 深入真皮層全效保護肌膚細胞健康 其穩定性較其他維他命C高 令肌膚更易吸收其精華 修護效果更顯著 「包裝」 額外附設獨立玻璃滴管裝 開封時才換上 保証產品新鮮 以及方便衛生 「質感」 精華素偏向精華油質感 色澤偏黃 延展性強 輕輕按摩都算容易吸收 產品帶有淡淡既酸味 感覺真係充滿住維他命C 但唔算係香同好聞 不過可以接受既 「功效」 (1)全效鎖水保濕 特強滲透能力 能深入真皮層 全效保護肌膚細胞組織 (2)預防水分流失 能活化膠原蛋白的增生及合成 防止水份蒸法流失 (3)修護效果顯著 其油溶性特質的穩定性 較其他維他命C高 令肌膚更易吸收其精華 (4)高至 15% 濃度的 左旋維他命C精華 效果更顯著 適合所有肌膚使用 (5)抗氧化功效 阻礙健康細胞受游離基的傷害 「使用方式」 1:基本修護 平日比較懶 基本護膚時使用 係早晚洗完面用完toner後 用5-7滴到既份量作全面按摩 並於色斑位置重點拍打 2:面膜前打底 係敷面膜前使用5-7滴均勻搽勻全面 然後敷上面膜加強吸收精華 注入更加多既養分 一星期大約2-3次 美白淡斑效果會更為顯著 3:混合CC Cream使用 平時冬日時使用既CC Cream質感會比較厚 而我而家夏日時都想用 所以我會係CC Cream中加入2-3滴既精華混合 可以令CC Cream更加粉滑易推 並且個質地都會變得較薄 容易搽得均勻 妝容亦都明顯地變得有光澤同貼服 加強光澤感之餘 又可以做丁護膚既功效 「即時效果」 產品雖然係油既質地 但都算容易吸收 皮膚感覺亦都唔會痴笠笠 全面按摩後 皮膚即時明亮左同有光澤感 但淨用佢會覺得補水力唔夠 如果用時加上少少補濕精華 會更幫助吸收 令皮膚感覺更水潤及有彈性 而佢既滋潤感都唔錯 用左佢可以搽反個light d既面霜 「一星期效果」 皮膚光澤感提升最明顯 感覺精神左 黑色素方面控制得十分穩定 即使而家太陽咁猛烈都冇加深既情況 而兩頰既斑亦都相對地容易利用遮暇膏遮哂 淡斑效果的確唔錯 產品亦沒有引起任何敏感 長期使用效果應會更顯著:)

查實我係一個有輕微潔僻既人 係一個完全接受唔到隻手有dd污糟 痴笠笠感覺 或者有任何食物味道既人 所以我真係超級勁洗手 前排隻手真係乾到勁多倒刺 同勁paper cut 我唯有迫自己要勤力用hand cream 咁岩就試用左PERFECT POTION既Pure Rose Hand Cream 以下係我既一d我使用後既小分享:) 【成份】 澳洲天然護膚品牌 原料萃取自天然植物精華 符合天然有機認證機構許可與授權 融合奧圖玫瑰 玫瑰草及廣藿香精油 具修護既功效 絕對不含任何動物成份 礦物油 人工合成色素 香料 防腐劑 石蠟 化學物質及基因改造植物萃取物 亦絕不做殘忍既動物試驗 【包裝】 全新既hand cream係有錫紙膜密封保護 保證係使用前絕對新鮮衛生 開蓋既包裝相比一貫既擰蓋包裝方便 擰蓋個d我成日都會跌左個蓋 或者擰唔實漏哂出黎 更抵讚既係包裝係可回收再生利用既材質為環保出一份力 【氣味】 草本味道中帶有淡淡既玫瑰花香味 冇一般hand cream既強烈花香味道 唔會覺得刺鼻 味道聞落去係令人relax既精油味道 【質感】 乳白色cream狀 質地細滑輕盈 非常容易推開 吸收力亦不俗 按摩完亦好快變得清爽 冇痴笠笠既感覺 持久度亦唔錯 如只用清水洗手既 滋潤既效果依然keep得住 【使用方法一:即時滋潤】 最普通既使用方法 係洗手後/乾燥時 取適量既hand cream 作全手既按摩 按摩至hand cream完全吸收便可 可即時達到滋潤及補濕既效果 【使用方法二:深層護理】 厚厚搽一層 然後利用護手套包實 作一個10-15分鐘到既深層hand mask 幫助雙手更深入集中地吸收hand cream 敷緊既時候依然可以用到電腦 相當方便 有時間既一星期2-3次 雙手就會變得又嫩又滑嫁啦 你會發現倒刺同paper cut既情況都會有所減少 【使用方法三:睡前按摩】 臨訓前 我會用比較多既份量 利用雙手先將hand cream搓暖 然後逐隻手指按摩 細心按摩每隻指甲邊及指縫 護理及防止倒刺既滋生 微暖既hand cream會更容易吸收 令雙手更為幼嫩:)

以前我既膚質係超級乾性既 但今年我發現自己好似變左混合性 塊面有時都幾油下 加上平時出街D煙塵 塊面好易起酒米 粉刺 油脂粒 所以一定要敷反多D清潔MASK 咁D粉刺黑頭先容易浮上面 先可以清得乾淨 今次試用既係深受荷里活明星愛戴既 KATE SOMERVILLE 速效柔亮更新面膜 「成份」 美國製造 當中含水楊酸 可保持肌膚平衡保濕 避免過乾 木瓜菠蘿及南瓜酶幫助去除角質細胞 另亦含乳酸 紫檀木 肉桂萃取物 蜂蜜 維他命E 蘆薈 維他命A和C 大豆脂質等成份 「質感」 墨綠色磨砂質地 磨砂粒子大約砂糖般大小 唧出時感覺到質地都幾杰身 味道有D似飲完苦茶食個D甘草味 搽上微濕既面上都算易推開 記得一定要係微濕既情況下打圈按摩先可以搽得均勻 如果乾手乾面係比較難推開 同會感覺好卡同唔舒服 「使用方式」 1.先於微濕既臉上均勻地塗上薄薄一層更新面膜 2.沾濕雙手依次序於額頭 鼻翼 兩頰及下巴打圈按摩約30秒 角質較厚既位置可以多按摩幾下 3.靜待大約2分鐘(較易敏感既肌膚可敷約1分鐘) 4.過水沖洗乾淨 5.然後我會係需要既地方作針清 6.針清完後我會係鼻同針清得比較利害既地方 再敷上一點更新面膜 敷30秒到確保針清得乾乾淨淨 7.最後過水搽反D補濕就可以 有心機既可以敷保濕MASK 會更吸收呢 「用後感及效果」 第一次用既時侯有小小刺痛感 不過唔算嚴重 可以接受 相信係更新面膜入面既成份幫助去角質時引致 磨砂粒子都幾多 按摩時感覺到佢幫我去緊死皮 沖洗後 明顯粉刺 白頭都浮到表面 有D較微既白頭唔駛針清都自己脫離左毛孔 一D較勁既粉刺亦都只需要輕輕力就可以擠出黎 最驚喜既係佢係咁強既清潔力下 竟然冇抽乾皮膚既水份 效果反而好光澤同摸落好柔軟 成塊面好似做完FACIAL咁乾淨哂 針清完既地方再敷多次泛紅既情況仲減少左 用完同之後既日子都冇出現敏感既狀況 用左2次已經好有效果 成塊臉感覺乾淨哂 塊臉既角質層薄左 出油既情況亦減少左 化妝時上少少BASE已經好夠 一支面膜每次只係3分鐘就可以做到磨砂 PEELING 深層面膜既效果 以後懶唔去做FACIAL都冇問題啦:)

美白係每個女人既終身事業 正所謂一白遮三醜 即使你唔追求好白 其實都要搽美白精華 因為紫外線除左會令你變黑之外 最恐佈既係令你有斑 斑亦會隨年齡日益增加 所以趁佢未出未嚴重時就要好好預防下啦 今次試用既就係法國醫學品牌FILORGA美肌亮彩精華:) 「成份」 產品成分蘊含啤酒花萃取物 能抑制黑色素形成 減少色斑出現 同時添加具抗氧化功效的植物萃取物 能抵禦環境傷害而導致的色斑 「質感」 乳白色既lotion狀 容易吸收 慢慢推開 好快已經被皮膚吸收 產品帶有淡淡既柚子香味 岩哂夏天起身同沖完涼後refresh一下 精華素質感非常清爽 上妝前打底用亦唔會有厚重既感覺 同時都幫助到個妝更易上更貼服 「使用方式」 係早晚洗完面用完toner後 用5蚊到既份量作全面按摩 再使用另外5毫子既份量輕拍色斑較重既位置 平時有心機時 亦可以用作面膜前打底 令肌膚更加吸收精華 方法係係敷面膜前用5蚊到既份量作全面按摩 然後敷上面膜 靜待10分中 面膜後再使用另外5毫子既份量份量輕拍色斑較重既位置 「效果」 產品容易吸收 皮膚感覺十分清爽 一d都唔會痴笠笠 補水滋潤既效果亦相當唔錯 由於我既斑都有左一段時間 所以只係用左2日 淡斑既功效唔算太顯注 但係可以感覺到皮膚即時明亮左 相信長期使用 皮膚既斑點同質感都會有所改善:)

一向化妝都有用開primer既習慣 除左可以令眼影更持久外 仲可以令眼影更易上色 同展現出原色 Urban Decay四款primer當中我就最中意original 產品唧出黎時有微微既肉色 好易推開 質地幼滑 冇需技巧都可以搽得均勻 搽開後可以調節反眼皮既膚色 上眼影時亦較易上色 primer有助抓住眼影既顏色 令佢更加持久 冇咁易甩 亦可以控制到眼皮既出油情況 所以一支好既eye primer真係可以令成個眼妝更迷人嫁❤️