Emma Law

Philosophy最新既The microdelivery 微導煥膚睡眠修護組合 透過2個簡單既步驟 唔駛沖洗 就可以達到抗老化 同煥膚既功能 一睇到依個賣點我真係覺得非試不可 結果用完感覺都唔錯 SLEEPING MASK一D都唔笠 第2日起身感覺有基本既保濕 而且皮膚既感覺淨透左 保持到光澤

一盒有14個補濕 14個美白 每日一個補濕 一個美白 14日為一個CYCLE 連續用可有效減退色斑 令皮膚更有光澤 但我冇一個CYCLE咁用 我係有時懶得FULL MASK就會用 因為我既目標只係想保持皮膚既質素 精華亦都好好推 可以順便按摩 雖然用完個下有D笠 但到第2日用完感覺真係保濕左滋潤左 連續用相信效果會更加唔錯呢~

先取適量磨沙去角質 磨沙後敷臉5分鐘 然後用水輕輕按摩洗乾淨 黑糖顆粒適中 磨沙效果唔錯 皮膚明顯見較幼滑 另具潤澤面膜之用 磨沙同時潤膚 一舉兩得

皮膚要好 清潔MASK都好重要 1星期2次 幫助清潔毛孔 減少油脂 首推依款Innisfree火山泥 以前我一直用開Kiehl's個隻火山泥 但發現依隻之後就冇再用過Kiehl's 因為對我黎講佢地效果幾乎一樣 但Innisfree幾乎平一半 依隻係第2代 較幼滑易推 我通常係針清前用 等粉刺黑頭浮上面 然後清潔 針清後再用多次係鼻同針清得比較利害既地方 確保針清乾淨

用過咁多隻 最價廉物美 最乾淨就係佢啦! 我搽成4層MASCARA 佢都可以卸得好乾淨 而且唔會「那」眼 同埋佢個開蓋好方便 其實L'OREAL都好好呀 不過佢個蓋有D煩 同BIORE通常平D:)

具卸妝功能既潔面乳 一個步驟可潔面同時卸妝 具雙重淨效配方 可以徹底清除毛孔內既化妝品及皮脂污垢 用完肌膚清爽 性質溫和 平日冇化妝搽防曬既日子我都會用 加上佢價錢好平 用好少就有好多泡 一支可以用好耐 平時我仲會用埋黎卸手既防曬 真係用多多都唔心痛呀!!

想眼睫毛長d濃d 無咁易斷就用佢啦! 成日化妝夾睫毛會斷好多睫毛 但keep住日日用佢 你會發現睫毛無咁易斷 仲會越黎越長tim 我推介過比好多朋友 從冇人話唔WORK!!! 我夜晚先用一次都有好明顯既效果 而家個支已經用左成半年都仲用緊

Kiehl's金盞花爽膚水 有助舒緩敏感肌膚 有助消紅腫 算係一隻溫和既藥用爽膚水 通常我朝早用鎮靜皮膚 同埋針清後用黎舒緩皮膚 同消紅腫 如果你只想揀一支toner 我都會推介你依支 因為佢基本既潔淨 保濕都好好 值得一用!

日間最愛用既護膚品 我通常用佢就唔會再搽面霜 粉紅色珠光既質地用左之後塊面即時有光澤 真係有Dreamskin既效果 上妝前用一流 妝效更貼服更光滑 有抗衰老既功效 用得多人都青春d呀! 我依支係舊版 而家新版仲有助持久地減少黑斑和泛紅現象 煥發暗啞肌膚的光彩 帶來全效的完美肌膚 用完依支馬上試新版!

保濕最好莫過於用B3&B5 Loveisderma 雙效維他命B保濕精華 產品含雙分子玻尿酸 可以提供長效全面性深層保濕 用完感覺肌膚補充左好多水分 長期用會發現皮膚既彈性有所改善 而且產品清爽無油 配方溫和 建議大家可以係FULL面膜前搽一層打底先 會更吸收呢

其實每日膠原蛋白都會流失 年紀愈大愈係 一般外塗護膚品只可以照顧表層肌膚需要 體內既我地必須補充膠原蛋白 試過咁多種 最work始終係FANCL Tense up「三肽膠原蛋白美肌飲料」 首先fancl係唔用防腐劑既 產品天然健康 而且佢好似果汁咁好好飲 持續長期每天飲用 肌膚係會緊緻彈滑左 缺水既情況好少會發生 咁就更有助美白既成效啦~~~

MAC既眼影我有成10幾粒 因為以前化妝中2搽單色 而MAC既眼影顏色真係好多選擇 加上每次買$150感覺冇咁肉痛 但其實夾埋4粒咪又係一樣 上色同持久屬不過不失既水平 細滑度就真係冇咩嫁啦 如果你只想買一D誇張D既單色既 可以選擇MAC既 因為相比起其他專櫃牌子佢價錢係平D 而且好多色選擇!