Emma Law

雖然佢各方面都平平 但都可以接受 而佢值得讚既係佢顏色既配搭 4色好配合 highlight 眼蓋 blending 眼線 好容易知道個妝應該點化 適合唔中意太花巧既朋友 另外佢眼影同眼影掃上、下擺既設計都好好 成個眼影可以keep得乾淨d 而佢亦都係我最中2既磁力吸盒

盒係我為左寫依篇blog而買既 一開始對佢係冇咩期望既 心諗試下睇下咩效果啦 所以我都揀左盒特別d既顏色 結果佢既表現係令我suprise左 上色、持久同細滑都做得好足 來回掃好容易就上到色 有一日我用紫色畫左一條下眼線 去戶外玩左全日反屋企依然係到 的確係好令人驚喜

Chanel 我有一盒舊formula同一盒新formula 舊個盒真係唔太得 但新個盒相比下滑好多同上色好多 但仍然唔算非常出色 要實色既要搽到幾層 持久度亦唔算好耐 整體而言佢只屬中等既水平 但Chanel有樣好係佢有好多顏色選擇 同佢d顏色真係幾靚 而且每季都有特別既顏色配搭 所以依然吸引到我既購物慾呢

當時買佢既原因係見到佢有 SPF35 PA 同佢個粉真係超級滑 搽上面係有光澤同白左 個包裝好輕好靚 而且紫羅蘭香味每次用完心情都特別好 另外佢具排毒成份 可以有效保護皮膚免受污染物侵擾 減少生出色斑 而家我每日補妝都會用 如果你膚色偏白既可以直接當粉餅用 膚色較健康既朋友 可以係兩頰位置重點補上 可以預防色斑 同有提亮既效果

眼影細滑度係幾唔錯既 用手指定眼影掃上都好易塗上 但係上色方面係要搽多幾層先實色 我係COUNTER試過其他色 都係唔太上色 所以如果係想要好實色既朋友就唔岩啦 中意淡妝 同怕自己太重手既朋友就可以試試 寧外佢既持久度亦都算一般 基本上唔補妝既夜晚反到屋企就已經冇哂 所以如果你既BUDGET只夠買一盒既 依盒就唔駛諗啦

講真依盒眼影我期待左好耐 因為Adv入面Amanda化得超級靚 眼影細滑度同持久度其實係屬高分既一盒 可惜佢個上色度真係令我失望左 搽出黎既效果係比較淺色 如果要化到廣告咁 要慢慢build好多層 同最好先搽個cream base打左底先易上色d 但身為CDP超級fans既我點都要幫佢講句好說話 雖然佢做唔到我預期既上色 但佢化出黎係真心靚既 佢做到好柔和好細緻既閃 而且可以last好耐 所以有機會我會再回購其他色 但我會揀d淡妝d既顏色

雖然佢好貴 而家好似唔係$550啦 好似又加左價 不過佢係值既 加上佢粒眼影係比起其他牌子大粒 所以如果你係買一盒長用既 絕對係抵既 有排用! 眼影摸落去好鬼細滑 而且超易上色 基本上畫一下就已經上哂色 加上持久度真係可以LAST到一日 基本上唔補都冇問題 加上佢個磁力包裝 加大大塊鏡 所以如果你有BUDGET投資一盒專櫃眼影既 我絕對推介Tom Ford

Tom Ford既唇膏的確無負我對佢既期望 係好上色 滋潤 好creamy 包裝好elegant 但如果可以好似眼影胭脂咁有磁力吸就perfect啦! $410 係真貴 但計包裝質素係值既 如果你自問係一個中意搽唇膏儲唇膏既人 就一定要擁有反一支啦

我認一開始我係俾佢個包裝吸引左先既 不過無可否認Dior既lip product quality係好好既 Dior依支Fluid Lipstick 標榜有唇膏既顏色 持久度 但同時又有LIPGLOSS既效果 結果我覺得佢係做得到嫁 一搽上咀已經驚嘆佢個質地 好滑好好推 顏色好出 掃頭做得好好 整體好大好綿 幾下就可以搽哂成個咀 尾端又可以勾畫反細微 唇邊既位置 搽出黎既效果確實有唇膏既顏色 但又做到唇彩既亮度

包裝香味效果係100分嫁 金色包裝 中間既環顯示左唇膏既顏色 香味一流 係一貫YSL化妝品有既香味 效果係好潤唇 完全唔駛打底 而且佢係有超級多色 可惜我認識得佢太遲 屋企已經有太多唇膏 如果唔係我應該會買好多好多支 但肯定既係佢如果出一D色我冇時我一定會買佢 不過佢價錢都唔平嫁 要$295支 女孩子呀 有時氹下自己時可以買呀 真係好開心嫁

試過N個牌子既MASCARA 最後我決定只買YSL 先唔講效果 佢個包裝已經羸左 金色真係好心心眼呀 加上佢有一貫YSL既香味 有時搽完出街都聞到陣味既 講下效果啦 做到根根分明 基本既增長濃密都做得唔錯 掃頭可以扭動 方便搽較入既位置 我通常上BASE後會先搽Mascara Singulier 然後再搽一層Mascara Volume Effet Faux Cils 就可以做到上面既效果啦 但由於佢都貴 要$295一支 所以如果你只需要一支 我建議你買最右個支Mascara Volume Effet Faux Cils Waterproof! 搽2層到就可以做到以上既效果 我買咁多支係我想試哂佢地有咩唔同姐

纖長 濃密 鬈翹既效果都做到 而且根根分明 雖然要$400一支 但佢用左成半年都未乾哂個下 我就覺得佢抵啦 依個係佢羸YSL既一點 因為YSL都快乾 但我始終中2 YSL多d 係因為YSL有香味 Cle De Peau冇 如果你唔計較香味既就買Cle De Peau啦