Emma Law

SK-II 我係25歲前已經開始用 好多人都以為過左30歲先用 但我成日都話過左30先黎抗老就永遠都係30 而我25歲前已經開始 就可以保持到唔過25 而抗老保濕既牌子 最推介既一定係SK-II 當中既神仙水係我每日必用既 而最近就收到SK-II既3件皇牌產品 真係岩哂我岩岩打完LASER極需要保濕既皮膚 以下就係一D我對依3件產品既慣常用法啦 (1)淨肌護膚潔面乳 每次用5毫子份量 加少少水 都算容易打出泡沫 但唔算好多泡 味道我係超中意 淡淡既花香味 一路打圈按摩一路感覺very relax 質感好滑好soft 肌膚感覺舒服 沖水後皮膚變得好乾淨 臉上既污垢同油光都洗得乾乾淨淨 摸落皮膚好滑同有彈性 絕冇繃緊既感覺 保濕度唔錯唔錯 (2)Facial Treatment Essence 神仙水 2.1基本護理 夜晚潔面後　以神仙水沾濕化妝綿抹臉 洗面後　用化妝綿抹哂成塊臉 等神仙水可以作為多一層既清潔同保濕 抹完後　利用雙手輕拍面至完全吸收 可以有助收細毛孔　而且保濕效果超級好 2.2重點濕敷 利用化妝綿於化妝前抹臉　並於兩頰濕敷 係化妝前先將神仙水倒係2張化妝綿上抹臉 抹完全臉後　將2張化妝綿分開敷係兩頰既位置 敷大約3-4分鐘　再上妝會更加貼服 同埋兩頰感覺會更加飽滿同粉嫩 岩哂我打完斑斑既兩頰:) 2.3全臉濕敷 試過夜訓後皮膚好殘好乾 就大手筆d倒多d神仙水落面膜紙到濕 一敷皮膚感覺係吸緊d精華　同有漲卜卜既感覺 濕敷大約10分鐘內　視乎個人既皮膚吸收快慢 到面膜乾左一半到就可以 敷完皮膚真係好似飲飽水咁　好通透水嫩 係一個快速補水　同令皮膚精神為之一振既保養方法 (3.)R.N.A.立體緊緻精華霜 3.1日常護理 淡黃色既精華霜 質地軟滑creamy 延展力強 輕輕力已能推開 滋潤度好唔錯 但好快吸收唔會笠 早晚使用都十分適合 即使夏天都絕冇問題 平日可用5毫子既分量 搽均全臉 輕輕按摩至吸收 用完馬上做到滋潤同光澤感 長期使用 有助抗老 保持緊緻彈滑既肌膚 3.2配合按摩器使用 如果屋企有按摩器既 可以用1元份量既精華霜搽均全臉 然後利用按摩器按摩5-10分鐘(視乎按摩器所需) 可以幫助精華霜更快及更深入地吸收 按摩完可利用紙巾輕輕按走多餘既精華霜 每次按完都好似做完facial咁緊緻飽滿 係我每星期必做既家居保養 長期使用SK-II 我發現毛孔 細紋都有明顯減淡既情況 皮膚變得細滑　柔嫩　光澤　細緻 摸落手觸感好柔滑　補濕效果好好 絕對係我保持BB肌既好幫手:)

SKINFOOD既產品我自己一向都有用開 黑糖MASK係超級推介既 而今次就試用左柚子水份C亮白保濕精華 希望可以對抗到超級猛既太陽啦 「成份」 柚子提取物20%、煙酰胺、果香檸檬油、西蘭花提取物、柚子精油、蘆薈水、王橘皮精油 「質感」 精華素偏向厚身質感 色澤米白色 延展性強 輕輕按摩都算容易吸收 產品帶有淡淡既檸檬味 清香舒服 「使用方式」 基本護膚時使用 係早晚洗完面用完toner後 用5-7滴到既份量作全面按摩 並於色斑位置重點拍打 「即時效果」 產品雖然都算容易吸收 皮膚感覺亦都唔會痴笠笠 全面按摩後 皮膚即時明亮左同有光澤感 補水力亦不錯 但只得一包未能測試到淡斑效果 味道清新 岩哂夏日使用啦:)

女孩子要保持年輕 除左要好好做好臉部保養外 手部既保養都唔可以懶嫁 一懶倒刺 乾紋 甩皮就會出現 所以一定要勤力用hand cream 今次試用左CRABTREE & EVELYN 既Gardeners手部修護霜 以下係我既一d我使用後既小分享:) 【成份】 採用天然植物配方調配 含乳木果油 歐蓍草 車軸草和金盞花精華 能瞬間修復及滋潤雙手因整天工作勞損而引致的粗糙肌膚 【包裝】 新款既hand cream由鋁管裝換成左依家既塑膠管 更輕便 而且更環保 新全既hand cream係有錫紙膜密封保護 保證係使用前絕對新鮮衛生 【氣味】 天然既植物香草味 唔似品牌其他hand cream既強烈花香味道 味道聞落去令人感覺置身於香草花園之中 【質感】 乳白色cream狀 質地細滑輕盈 非常容易推開 吸收力亦不俗 按摩完亦好快變得清爽 冇痴笠笠既感覺 但不失滋潤 【用後感】 普通用法係洗手後取適量既hand cream 作全手按摩至hand cream完全吸收 可即時達到滋潤及補濕既效果 臨訓前則用比較多既份量 先將hand cream搓暖 然後逐隻手指按摩 有助更容易吸收 作整晚既滋潤 另外一星期1-2次利用護手套包實作深層hand mask 雙手成功變得更嫩滑 倒刺及paper cut既情況亦有所減少

最近天氣真係熱到不得了 太陽真係超級猛 而太陽不停地曬住皮膚 肌膚會不期然加速老化 皮膚變得又黃又乾 缺水既情況就會發生 夏日炎炎 除左一支好既防曬外 一支好既美白精華都好重要 今次就試用左Obagi既左旋維他命C精華素 當中既左旋維他命C就有助解決種重色斑 暗啞及氧化既問題啦 「成份」 Obagi是連續15年的美國第一醫學美容品牌 其維他命C產品針對不同皮膚問題 這支精華素含15% 左旋維他命C 濃度適合所有皮膚 而且具有特強滲透能力 深入真皮層全效保護肌膚細胞健康 其穩定性較其他維他命C高 令肌膚更易吸收其精華 修護效果更顯著 「包裝」 額外附設獨立玻璃滴管裝 開封時才換上 保証產品新鮮 以及方便衛生 「質感」 精華素偏向精華油質感 色澤偏黃 延展性強 輕輕按摩都算容易吸收 產品帶有淡淡既酸味 感覺真係充滿住維他命C 但唔算係香同好聞 不過可以接受既 「功效」 (1)全效鎖水保濕 特強滲透能力 能深入真皮層 全效保護肌膚細胞組織 (2)預防水分流失 能活化膠原蛋白的增生及合成 防止水份蒸法流失 (3)修護效果顯著 其油溶性特質的穩定性 較其他維他命C高 令肌膚更易吸收其精華 (4)高至 15% 濃度的 左旋維他命C精華 效果更顯著 適合所有肌膚使用 (5)抗氧化功效 阻礙健康細胞受游離基的傷害 「使用方式」 1:基本修護 平日比較懶 基本護膚時使用 係早晚洗完面用完toner後 用5-7滴到既份量作全面按摩 並於色斑位置重點拍打 2:面膜前打底 係敷面膜前使用5-7滴均勻搽勻全面 然後敷上面膜加強吸收精華 注入更加多既養分 一星期大約2-3次 美白淡斑效果會更為顯著 3:混合CC Cream使用 平時冬日時使用既CC Cream質感會比較厚 而我而家夏日時都想用 所以我會係CC Cream中加入2-3滴既精華混合 可以令CC Cream更加粉滑易推 並且個質地都會變得較薄 容易搽得均勻 妝容亦都明顯地變得有光澤同貼服 加強光澤感之餘 又可以做丁護膚既功效 「即時效果」 產品雖然係油既質地 但都算容易吸收 皮膚感覺亦都唔會痴笠笠 全面按摩後 皮膚即時明亮左同有光澤感 但淨用佢會覺得補水力唔夠 如果用時加上少少補濕精華 會更幫助吸收 令皮膚感覺更水潤及有彈性 而佢既滋潤感都唔錯 用左佢可以搽反個light d既面霜 「一星期效果」 皮膚光澤感提升最明顯 感覺精神左 黑色素方面控制得十分穩定 即使而家太陽咁猛烈都冇加深既情況 而兩頰既斑亦都相對地容易利用遮暇膏遮哂 淡斑效果的確唔錯 產品亦沒有引起任何敏感 長期使用效果應會更顯著:)

查實我係一個有輕微潔僻既人 係一個完全接受唔到隻手有dd污糟 痴笠笠感覺 或者有任何食物味道既人 所以我真係超級勁洗手 前排隻手真係乾到勁多倒刺 同勁paper cut 我唯有迫自己要勤力用hand cream 咁岩就試用左PERFECT POTION既Pure Rose Hand Cream 以下係我既一d我使用後既小分享:) 【成份】 澳洲天然護膚品牌 原料萃取自天然植物精華 符合天然有機認證機構許可與授權 融合奧圖玫瑰 玫瑰草及廣藿香精油 具修護既功效 絕對不含任何動物成份 礦物油 人工合成色素 香料 防腐劑 石蠟 化學物質及基因改造植物萃取物 亦絕不做殘忍既動物試驗 【包裝】 全新既hand cream係有錫紙膜密封保護 保證係使用前絕對新鮮衛生 開蓋既包裝相比一貫既擰蓋包裝方便 擰蓋個d我成日都會跌左個蓋 或者擰唔實漏哂出黎 更抵讚既係包裝係可回收再生利用既材質為環保出一份力 【氣味】 草本味道中帶有淡淡既玫瑰花香味 冇一般hand cream既強烈花香味道 唔會覺得刺鼻 味道聞落去係令人relax既精油味道 【質感】 乳白色cream狀 質地細滑輕盈 非常容易推開 吸收力亦不俗 按摩完亦好快變得清爽 冇痴笠笠既感覺 持久度亦唔錯 如只用清水洗手既 滋潤既效果依然keep得住 【使用方法一:即時滋潤】 最普通既使用方法 係洗手後/乾燥時 取適量既hand cream 作全手既按摩 按摩至hand cream完全吸收便可 可即時達到滋潤及補濕既效果 【使用方法二:深層護理】 厚厚搽一層 然後利用護手套包實 作一個10-15分鐘到既深層hand mask 幫助雙手更深入集中地吸收hand cream 敷緊既時候依然可以用到電腦 相當方便 有時間既一星期2-3次 雙手就會變得又嫩又滑嫁啦 你會發現倒刺同paper cut既情況都會有所減少 【使用方法三:睡前按摩】 臨訓前 我會用比較多既份量 利用雙手先將hand cream搓暖 然後逐隻手指按摩 細心按摩每隻指甲邊及指縫 護理及防止倒刺既滋生 微暖既hand cream會更容易吸收 令雙手更為幼嫩:)

以前我既膚質係超級乾性既 但今年我發現自己好似變左混合性 塊面有時都幾油下 加上平時出街D煙塵 塊面好易起酒米 粉刺 油脂粒 所以一定要敷反多D清潔MASK 咁D粉刺黑頭先容易浮上面 先可以清得乾淨 今次試用既係深受荷里活明星愛戴既 KATE SOMERVILLE 速效柔亮更新面膜 「成份」 美國製造 當中含水楊酸 可保持肌膚平衡保濕 避免過乾 木瓜菠蘿及南瓜酶幫助去除角質細胞 另亦含乳酸 紫檀木 肉桂萃取物 蜂蜜 維他命E 蘆薈 維他命A和C 大豆脂質等成份 「質感」 墨綠色磨砂質地 磨砂粒子大約砂糖般大小 唧出時感覺到質地都幾杰身 味道有D似飲完苦茶食個D甘草味 搽上微濕既面上都算易推開 記得一定要係微濕既情況下打圈按摩先可以搽得均勻 如果乾手乾面係比較難推開 同會感覺好卡同唔舒服 「使用方式」 1.先於微濕既臉上均勻地塗上薄薄一層更新面膜 2.沾濕雙手依次序於額頭 鼻翼 兩頰及下巴打圈按摩約30秒 角質較厚既位置可以多按摩幾下 3.靜待大約2分鐘(較易敏感既肌膚可敷約1分鐘) 4.過水沖洗乾淨 5.然後我會係需要既地方作針清 6.針清完後我會係鼻同針清得比較利害既地方 再敷上一點更新面膜 敷30秒到確保針清得乾乾淨淨 7.最後過水搽反D補濕就可以 有心機既可以敷保濕MASK 會更吸收呢 「用後感及效果」 第一次用既時侯有小小刺痛感 不過唔算嚴重 可以接受 相信係更新面膜入面既成份幫助去角質時引致 磨砂粒子都幾多 按摩時感覺到佢幫我去緊死皮 沖洗後 明顯粉刺 白頭都浮到表面 有D較微既白頭唔駛針清都自己脫離左毛孔 一D較勁既粉刺亦都只需要輕輕力就可以擠出黎 最驚喜既係佢係咁強既清潔力下 竟然冇抽乾皮膚既水份 效果反而好光澤同摸落好柔軟 成塊面好似做完FACIAL咁乾淨哂 針清完既地方再敷多次泛紅既情況仲減少左 用完同之後既日子都冇出現敏感既狀況 用左2次已經好有效果 成塊臉感覺乾淨哂 塊臉既角質層薄左 出油既情況亦減少左 化妝時上少少BASE已經好夠 一支面膜每次只係3分鐘就可以做到磨砂 PEELING 深層面膜既效果 以後懶唔去做FACIAL都冇問題啦:)

美白係每個女人既終身事業 正所謂一白遮三醜 即使你唔追求好白 其實都要搽美白精華 因為紫外線除左會令你變黑之外 最恐佈既係令你有斑 斑亦會隨年齡日益增加 所以趁佢未出未嚴重時就要好好預防下啦 今次試用既就係法國醫學品牌FILORGA美肌亮彩精華:) 「成份」 產品成分蘊含啤酒花萃取物 能抑制黑色素形成 減少色斑出現 同時添加具抗氧化功效的植物萃取物 能抵禦環境傷害而導致的色斑 「質感」 乳白色既lotion狀 容易吸收 慢慢推開 好快已經被皮膚吸收 產品帶有淡淡既柚子香味 岩哂夏天起身同沖完涼後refresh一下 精華素質感非常清爽 上妝前打底用亦唔會有厚重既感覺 同時都幫助到個妝更易上更貼服 「使用方式」 係早晚洗完面用完toner後 用5蚊到既份量作全面按摩 再使用另外5毫子既份量輕拍色斑較重既位置 平時有心機時 亦可以用作面膜前打底 令肌膚更加吸收精華 方法係係敷面膜前用5蚊到既份量作全面按摩 然後敷上面膜 靜待10分中 面膜後再使用另外5毫子既份量份量輕拍色斑較重既位置 「效果」 產品容易吸收 皮膚感覺十分清爽 一d都唔會痴笠笠 補水滋潤既效果亦相當唔錯 由於我既斑都有左一段時間 所以只係用左2日 淡斑既功效唔算太顯注 但係可以感覺到皮膚即時明亮左 相信長期使用 皮膚既斑點同質感都會有所改善:)

一向化妝都有用開primer既習慣 除左可以令眼影更持久外 仲可以令眼影更易上色 同展現出原色 Urban Decay四款primer當中我就最中意original 產品唧出黎時有微微既肉色 好易推開 質地幼滑 冇需技巧都可以搽得均勻 搽開後可以調節反眼皮既膚色 上眼影時亦較易上色 primer有助抓住眼影既顏色 令佢更加持久 冇咁易甩 亦可以控制到眼皮既出油情況 所以一支好既eye primer真係可以令成個眼妝更迷人嫁❤️

每日返工都化妝 放假又想扮靚靚 有時唔化妝都一定會搽防曬 加上香港既空氣污染指數嚴重 肌膚既負擔真係十分嚴重 為左保持健康潔淨既肌膚 卸妝係好重要既一環 絕對唔可以鬆懈 卸妝要卸得好 當然要選擇一款適合自己既卸妝產品 云云卸妝產品中我就最中意卸妝油 方便快捷又夠乾淨 刺激成份較少 用完亦都唔會好乾 一提起卸妝油 相信好多人都會諗起FANCL 既MCO納米卸粧液! 而家既化妝品好多都主張防水不脫妝 黏附性愈黎愈強 而FANCL MCO納米卸粧液就利用左納米速凈力 可以徹底將防曬用品 粉底 睫毛液 唇膏等既化妝品迅速浮起 絕對唔會俾任何既妝物殘留 遇水一沖即凈 有助溶解毛孔角栓 令污垢更易清除 抗氧去黃 首先我就係手上試下佢既潔淨力先 分別用左粉底液、防水睫毛膏、防水眼線筆、唇膏液同眉GEL作測試 將一個5毫子分量到既卸粧液倒落搽滿化妝品既手上 輕輕按摩 粉底液 唇膏液已經馬上浮起 再慢慢按摩大約10秒 可以見到防水睫毛膏 防水眼線筆同眉GEL逐漸浮起 按摩大約20秒 再用紙巾一抺 所有化妝品都已經抺走哂 成隻手好乾淨 一D殘留都冇 潔淨力相當唔錯! 然後我再利用相同既化妝品化左一日妝 反到屋企 就用左以下6個步驟卸妝 1)先將5元分量既納米卸粧液均勻搽係面上 2)輕輕按摩兩頰位置 卸除兩頰的粉底液 3)按摩T-ZONE位 卸除鼻的粉底液及眉GEL 4)打圈按摩眼部 卸除防水睫毛膏及防水眼線筆 5)按摩唇部 卸除唇膏液 6)加水全面打圈乳化 完成6個步驟後 就用水一沖 所有野完完全全被卸除乾淨 抺乾後完全唔會油笠笠 亦都唔會好乾好繃緊 反而十分清爽 同有滋潤感 整體而言 卸粧液輕爽易推 避免因為搓揉而傷害到肌膚 卸妝液無加入特別香料 透明油狀 沒有任何味道 清洗後肌膚保持到水潤飽滿 成個過程2分鐘到就可以完成 加上不含防腐劑 絕對可以安心使用 真係「快．靚．正」既速淨卸粧液! PS:我既眉染左染眉GEL 所以卸完妝都仲有顏色 :P

空氣質素差 令到環境對皮膚既傷害愈黎愈多 唔同既品牌都推出針對外在環境對自由基損害既產品 今次就試左Synergie Skin™ MasquErase 既幹細胞激生面膜啦 產品係乳霜狀 一開始摸落去感覺滋潤度甚高 都擔心依種天氣皮膚會接受唔到起粒粒 但慢慢係手到推開發現佢都唔算好油 推開時比想像中薄同輕 有一定既滋潤感但唔會焗住皮膚 試上面前先卸妝 洗面同peeling 然後毫不客氣地厚厚咁用哂5mL上面 產品有好香甜既味道 感覺似雲哩拿味 而佢主要既成份有燕麥、盧卡蜂蜜、加拿大柳葉、乳木果油、金盞花油 隻隻都係舒緩敏感同滋潤皮膚既成份 我一路沖涼一路敷 用熱既水氣令面膜更加吸收 20分鐘左右我以逐次濕手既方式慢慢按摩面膜至清洗乾淨 敷完即時感覺皮膚滋潤左 保濕效果唔錯 剛巧個排我眼周有輕微既敏感 平時會好容易惡化 但用完面膜後都起到舒緩既作用 雖然唔係馬上好反哂 但都有效控制左 冇惡化到 除左厚敷既方法 我亦嘗試夜晚薄薄咁當sleeping mask搽 等當中既養份可以作整晚既吸收 第2日洗面明顯係潤澤左 上妝時亦都較貼妝 毛孔亦冇咁明顯 亦可以節省我濕敷既時間 總括而言 產品能夠做到修復同深層補濕既功效 成份天然 效果亦算易見 即使濕熱既天氣野亦唔算痴笠 用法多元及簡單 味道宜人 係可投資之選!!

一直都有聽過胎盤素依個成份 但一直冇試過 直至試用Fracora 既面霜 佢係由豬既胎盤素提煉而成 而所得成份係經日本既農業部門認證 夠哂安全同可信度 而依枝面霜更加係結合左六種護膚功能 包括化妝水 精華 乳液 面霜 保濕面膜 隔離霜 六合為一 又成為左一件偉大既懶人恩物 產品質地係乳白色既GEL 無任何特別既味道 容易推開 配合按摩亦好快吸收 而且分量只需用一個一蚊到 就可以搽哂全面 搽完面部馬上顯露光澤同水潤感 但最令人感覺良好既係佢一D都唔笠 岩哂係咁潮濕既天氣下用 感覺清爽 我通常會將佢當成日間既BASE同晚間既晚霜咁用 日間用可以令個妝更持久同水潤 夜晚既就可以搽厚少少 第2日既感覺就好似敷左SLEEPING MASK咁 而佢又冇sleeping mask咁痴住痴住 真係唔錯嫁! 連續用左幾日 皮膚感覺水潤 同埋有嫩肌既感覺 細紋同毛孔都冇咁明顯 皮膚既細滑度有所提升 親民既價錢做到高質既效果 而且買1支等於6支 既經濟實惠 又夠方便快捷!!

Gel Plus我以前都有用過 係朋友推介俾我搽手臂既 因為我手臂一直都有毛周角化症既問題 手臂好容易起粒粒 用好多磨砂 去角質 藥膏都冇用 直到個時用左Gel Plus 每日沖完涼當body gel咁搽少少 馬上情況真係好左好多 加上而家唔再剃毛 毛周角化症既問題已經好得七七八八 係有時起一兩粒 做下磨砂就ok 但個時冇試係面上 因為我皮膚比較薄 同對好多果酸都有敏感 所以冇試到 直至今次she.com既大好機會 我決心試一試! Gel Plus既主要成份係蘊含左專利15% AHA甘醇酸 分子夠細 滲透夠深 可以增加皮膚新陳代謝 令死皮脫落 有助回復皮膚健康更生週期 令皮膚更白滑幼嫩 今次既Gel Plus更生活膚啫喱面膜試用套裝好貼心 當中包括10ml 2枝，連面膜掃及束髮巾 等我可以好方便咁係屋企做facial 啫喱面膜亦都係密封既包裝 用前先將入面既保鮮膜拉開 再將適量既產品倒入一個小容器內 就可以用掃搽落面到啦 由於我比較易敏感 所以我先從鼻作左個spot test先 過左2分鐘 冇問題我再試額頭 2分中再冇問題我先搽哂全面 搽到兩頰既時候皮膚有d刺刺地既感覺 相信係因為兩頰特別薄既關係 而產品亦都有說明係正常現象 因為表示AHAs正滲入皮膚 到皮膚適應左時就唔會再有刺刺既感覺 不過都係好輕微既刺刺地 可以接受的! 敷左大約15分鐘 就過清水洗淨 皮膚感覺涼涼地 好乾淨 再睇真d感覺皮膚真係薄左一大層咁 係我身上亦明顯見到白左 真係好神奇 摸落仲好滑tim 不過可能我皮膚真係太薄 所以兩頰有少少紅既狀況 但係搽左面霜過左5分鐘到泛紅就慢慢消失 而且全面都好有光澤tim 過左一晚 皮膚都冇出現敏感既問題 反而仲好keep到光澤感 今日我都特別搽多左防曬 保護深層煥膚左既幼嫩肌膚 由於皮膚薄左 搽少d highlight妝感都可以好透亮 整體感覺好好 果然係醫學果酸權威既品牌 好推介俾好似我咁怕敏感 但又心思思想試下果酸煥膚既朋友 以後每星期我都可以係屋企自家peel 做更生活膚既facial啦:)