Emma Law

以專櫃既價錢 依支美白精華既價錢唔算超貴 但同時佢既效果都唔係特別顯著 用哂成支皮膚係會有光澤左既 但你話有冇白左?有冇淡斑?就真係冇羅 SORRY 所以依$1400係唔值既 不如買多支柔膚水keep住用仲有找 咪仲好!

面部卸妝液 用完都幾舒服乾淨 防水mascara抹多幾下都卸得到 但產品有酒精味道 敏感皮膚要多注意 其實佢感覺係唔錯既 但計埋個價錢 $450先得200mL 卸妝液又唔可以慳 每次都要用大量 一支個零月就用哂 所以我覺得唔係必要投資

眼唇卸妝液 有淡淡清香 防水眼妝都卸得幾快幾乾淨 唔那眼 講效果其實Biore同Loreal都差唔多 加上又冇咩護膚可言 成400蚊一支眼唇卸妝液 真係可以唔駛買

面部卸妝Cream 依支個味道我真係好中2 似係cotton 花香味 乾手乾面按摩 感覺好滑好relax 再過水 基本既化妝都可以卸得好乾淨 而且有保濕既效果 但都貴 $520先得125mL 如果你係好願意投資係卸妝產品 又好中2個味道既 你不妨可以試下 但如果你只係想卸得乾淨既 市面上有好多平D既產品都可以做到 你可以留反D錢投資落其他產品到

洗面膏 用既分量唔駛好多 加水好容易起到泡 又係有陣清香relax味 洗完皮膚清爽 唔乾 但$480買一支洗面膏又係個個問題 你問我既 我覺得唔一定要買羅

個時我買係因為我見有人話用佢等於用左導出機 咁事實呢? 又真係幾乾淨 打圈抹 抹完個化妝綿真係會黃左灰左 而且佢個水質地好幼滑 用完塊面真係光澤左同濕潤左 聽聞有時係日本都會賣斷貨 可能因為係香港買$850先得75mL 好細支 所以趁有朋友去日本或者自己去時記得買呀!

依個按摩霜係我再回購既 佢既質地係超級滑 好好推 推好耐都仲好滑 味道亦都好relax 有時覺得塊面好攰好暗啞 我就會用佢黎按摩 輕微去一去角質 同通一通淋巴 慢慢打圈按5分鐘後用紙巾抹去 唔駛過水 感覺皮膚幼嫩同有彈性 個晚就唔駛full mask啦

Cle De Peau入面最值得買既護膚品 我俾滿分佢 佢既用法同普通toner一樣 但佢既效果有如用左精華一樣 開始用時會發現用左佢真係好保濕 長期用會發現皮膚有光澤左 毛孔冇咁明顯 摸落去係soft左 用普通化妝綿 每次1.5泵 大約可以用2個月多d 平均反其實大約500蚊一個月 以個效果黎講係值既 如果係日本買就更抵啦 如果你係新手初次想試Cle De Peau 我建議你試左依支先 你一定會愛上

質地都係好幼滑 好容易吸收 但相比之下 我覺得依支冇咩特別 of course長期用 皮膚係會有改善 但以$1200依個價錢 我覺得可以買到更有效果既 所以用完都唔會回購 只想投資一支既朋友可以唔駛買佢 但如果真係有興趣既 不妨係日本機場買set裝 或者等SOGO做優惠 千奇唔好就咁$1200買一支咁傻豬

質地好幼滑 容易吸收 用完柔膚水後 按兩泵分量到化粧棉 均勻抹全面 皮膚感覺滋潤左透亮左 上妝會更貼服 最中意佢含有防曬成份 可以幫助多一層防護皮膚 夏天當然要再搽多一層防曬啦 唔好懶 用左一段時間 皮膚的確係有改善 明亮左軟滑左 雖然要成$1000 但佢係值依個price 捨得既不妨試試

係貴嫁 但佢值! $550係值得投資既 第一下買係肉痛嫁 但用完你就會覺得買得岩! 首推用黎遮黑眼圈 記得用掃上 我以前唔識用掃上 用手推會覺得佢好乾 但最後發現用掃上既真蹄後 我覺得以佢既COVERAGE度 真係薄同滑 而且用小小就有效果 加上佢都幾LONG LASTING 我幾乎可以全日唔駛補 我對佢既回購率係100%呀

最好既LOOSE POWDER 當然佢都差唔多係最貴既 但我成日講 要買就買最好既 貴既搽得靚就值反 買平D但搽左唔靚 又要再買 洗既錢仲多 CDP依盒碎粉係超大盒 而且每次用好小分量就已經好有效果 一隻色 白中帶DD粉紅色 冇閃粉 啞光質感 粉質超級幼細 上面後成塊面係白左同通透左 效果好均勻 另外佢個撲好大個 同好SOFT 按落塊面真係超級舒服呢!