shuchoux1

Tricalm呢支洗髮露呢系美國皮膚學會推薦既，入面有金盞花成分，用過Kiehl's產品都知道金盞花對於皮膚有好好既舒緩作用！如果你有頭皮生痘痘啊，油頭啊或者頭皮痕癢就可以一試呢支有醫學臨床證明既洗頭水啦！

Avene呢支真係佢地既皇牌產品！我回購左至少五年！你無論係當佢係保濕噴霧也好，潔膚后噴一下，或者系鎮靜舒緩皮膚都係無得彈！而且因為系純天然配方真係用落去皮膚唔會敏感，覺得好清爽，好舒服。尤其當皮膚敏感紅腫既時候，最適合就系攞黎噴兩噴，真係好有效！

Vichy既保濕同比敏感肌既產品我一直都有留意，因為佢地採用左啲溫泉水，據說對皮膚問題好有改善。呢支精華都幾唔錯架，佢唔算好厚身，雖然唔算非常清爽，但係保濕力一流，對於容易泛紅既皮膚有一種舒緩既作用，推薦妝前用啊！

shiseido既洗髮水其實我無咩點試過，呢支首先個外形已經好出眾（我成日覺得佢會跌...)我頭髮比較幼細，容易斷，呢支都唔錯，香味一般般，但用落都感覺幾乾淨，唔會好似洗完未洗乾淨咁。

Elizabeth Arden呢個牌子我都係係外國見到先知道，呢罐幾特別，有少少似皮膚色，不過放心，唔會真係好似粉底咁既色，呢個系列中西無咩香精，用落都舒服，保濕力真係好唔錯。

呢支想當年都係紅極一時既毛孔細緻霜，令我當年面對自己的毛孔以為燃起一線生機，但係我發現呢個產品真係對我黎講一啲用都無。（對唔住啊各位姐妹，唔好噴我，我真係試左好多次都效果好差...)佢係有些少肉色既打底霜，搽完之後你應該會覺得係有啲啲滑身，我覺得佢無好用係因為我覺得唔係真系好有效咁修飾到毛孔，而且上妝我覺得變得唔夠貼服。

呢個高效再生嫩膚晚霜係一個我覺得唔算太粘手既晚霜，質地上就比較厚身啲。對於我呢種混合性敏感肌膚黎講，都要觀察一排先知道效果。但係夜晚用的確會覺得保濕做得幾好，起身皮膚基本上都係柔軟既。

今次呢個產品，我幾中意，覺得陣香味既好聞！平時佢地家既產品都一樣好有一種花香味，我就一般般啦，但今次呢種我覺得幾好！沐浴啫喱就比較稠一點，唔怕攞得太多！質感都幾好，依然都係唔會洗完好乾。

OMG!呢個包裝！超級無敵可愛啊！呢一款香水十萬個推薦姐妹們可以帶出街，當小飾物既elegant又不失少女風！香味呢我真係無咩要求，我自己就睇個包裝都已經覺得不得了啦！

首先呢支一開瓶就覺得好甜啊啊啊啊啊！有一種舒緩壓力，令人放鬆既感覺。可能係蜂蜜既原因，我覺得洗完之後皮膚真係感覺好保濕，滑滑地，而且我覺得望落去好細罐，其實都幾夠用架啵。

loreal啲護髮產品真系唔錯，呢支第一下就係：好香！真係人都舒服啲！我呢就只系得少少挑染過既頭髮，所以對於維持顏色既要求唔高，不過見到新配方咪試下囖！

首先要贊下，呢個包裝做得好成功！雖然係護膚品牌子，但係佢一眼望去就係一支無可以用係面既噴霧！呢支噴霧我覺得味道我可以接受，不過唯一就係覺得有些少大支....