shuchoux1

超級無敵型啊啊啊啊！個人覺得呢支肌底液質地比較清爽，都係大概三四滴既分量就夠成塊面。效果方面我覺得幾唔錯架，一直對日本牌子特別有信心！感覺上用作之後皮膚比之前嫩滑左，好似有光澤左！

之前見呢個活肌水評價超級高，話係日本既金箔級！我覺得呢瓶真係做得到深層滋潤既效果，但係唔會好粘手，質地上都可以，入面我見到有舒緩肌膚同過敏既功效，如果係乾燥肌膚，入冬之前可以試試啊！

Bare minerals既打底霜我都用過幾款，因為我自己皮膚係混合性。我個人覺得呢呢支primer其實好快吸收，塗上面都幾舒服，但係唔知道係咪我化妝產品選既唔適合定係點，我覺得持久度就似乎維持唔到八個鐘，我大概四個鐘唔到就出油。

用完試用裝決定買貨裝（我呢種咁安全既人）呢個系列既產品都相當唔錯！如果系乾性皮膚既朋友，呢系列真係為你而設！（哈）因為呢個陣我皮膚超級干但係悠悠痘痘既時候，用產品都好怕洗太乾淨會甩皮，太潤怕生更多痘痘，呢支見面啫喱完全唔會，不過我覺得佢其實氣泡力麻麻，但係洗得幾乾淨，又保持返濕潤。

Physiogel呢支唔係平時個種好有起泡力既洗面產品，而是有啲似bare minerals有一隻潔面乳。佢係乳白色既水樣，質地上唔算好稠，大概按一下就差唔多夠全面。呢種潔面乳既清潔力好夠，但係會明顯覺得自己面上會有一層保濕膜咁，如果敏感肌可以試下啊！

好評好評！kiehl's呢個系列係無咩油既感覺，但係又唔會好似祛痘系列個種咁乾爽，保持有啲濕潤感。而且，非常溫和，金盞花個支會感覺上清潔毛孔既感覺大啲，呢支就係溫和保濕多啲！

回購回購再回購既產品！又系超級無敵香既士多啤梨棉花糖味啊！呢個比起皂更容易起泡一啲，而且唔好睇佢好細支，其實用到好耐！相比起皂，我覺得呢支用完唔會咁乾，比較舒服，沖完涼有一陣淡淡地既甜味添！

呢個皂都係我當時瘋狂購物下既產物。雖然一樣係士多啤梨系列，但係佢就反而無咩甜甜既香味，有些少淡香而已。（有些少失望）佢氣泡力就真係麻麻，不過感覺用完幾清爽乾淨。如果你將佢方係一個地方，個個地方會有啲紅色印架。

無相啊！以前係英國最中意買成個Strawberry系列！呢盒body butter可以用好耐好耐，除非真係好誠信日日用，否則一年都用唔完！佢超級無敵香，香味好似士多啤梨味棉花糖！超級想吃！質地呢就比較厚，要用手指挖一部分，比較難推開，但係如果當你好乾既時候，沖完涼用真係好保濕！

個人覺得呢支保濕霜既包裝係有些少可以變得更美好，目前呢個牙膏裝有些少麻麻。撇除呢點，我覺得佢呢個產品可以叫做保濕型bb霜或者底霜！因為去基本上都係質地比較薄身，少許既遮瑕力，入面幫助改善皮膚，功能上類似一支有防曬度數既底霜。

好既底霜，係化妝成功既第一步！Eve Lom呢次既隔離霜/底霜入眠有維他命A同E，係化妝既同時順便修護返皮膚！擠出黎有些少白色，但塗上面就唔會有白色，質地好薄，好適合就咁打造裸妝既效果架！

EveLom一直都系簡約風，呢個陰影粉既粉粒好幼細，只要分量落得唔係好多，基本上打左陰影人地都唔會知道，純粹以為輪廓好左！不過顏色上佢偏銅金色，個人而言，會有少少偏紅，意思係如果皮膚係屬於好黃既盆友，可以會顯得比較紅啲。