shuchoux1

見好多youtuber推介先決定一試，據說好似幾好用。目前仲係測試階段，據說可以修護受損頭髮，目前我都係唔係好清楚效果如何，希望真係用多幾次可以好似啲評論咁，可以修補到之前染過既頭髮啦！

滴管設計既粉底液其實既得意，但係我屬於混合性皮膚就覺得稍稍有些少乾啦！佢很易推，質地好水潤，如果追求高遮瑕度，可以塗抹多幾層，純粹系我又屬於比較唔係好識整理啲咁水樣既粉底，會令我有些少混亂啦。

Loreal推出既護髮系列既產品，我一直都幾中意，覺得效果都唔錯，呢罐髮膜幾香，好喜歡，質地比較厚身，當你頭髮好乾燥，用過護髮素都仲覺得頭髮唔健康既時候我推薦你用下呢罐！

呢罐面膜主要系英國玫瑰作為成分，大家都知玫瑰主要系保濕功效。不過個人而言，可能對於呢種一pat pat但係唔係晚安面膜既面膜無咩特別大既好感，所以我覺得效果一般啦！

果然系皇牌啊！怪唔知得呢個包裝咁高貴！哈，呢支皇牌水我覺得用黎趕時間或者用黎緊急降紅最好！可能系佢入面既成分作用，好快就舒緩到皮膚既問題，敏感肌既姐妹們記得記得備貨啊！

shu uemera呢個系列已經紅左好耐，我呢次個包裝仲要咁少女，好開心！呢支潔顏油好適合比較我呢種暗啞肌膚既小盆友，清潔力好夠，就算洗完都唔會覺得好唔舒服！唔錯唔錯！

我呢個系補充裝黎既，但係佢地啲粉餅真係幾好用！雖然防曬係數無算好高，但係其實只要幾個鐘補一次就好足夠架啦！佢地粉粒好細好滑，不會感覺乾巴巴！效果啊就好似用左bb cream咁上下啦！

Bioderma啲保濕產品我都幾中意，之前朋友推薦我先知道。呢個肌底液個人覺得質地比較清爽，可能系分子比較細？？我覺得吸收得算幾快，用完皮膚感覺好柔軟好保濕，一覺醒來都唔會覺得繃緊。

前幾年佢地品牌既卸妝水瘋傳好一陣子！今次試下呢支精華先！瓶身設計唔錯，擠出來分量剛好，搽完一陣馬上可以塗下一款護膚品。可能系因為專利科技，感覺上系皮膚唔會刺激，保濕效果都唔錯！

呢個包裝，第一眼真係以為自己唔係買緊sofina，平時佢地都好少女風，今次呢個！女皇大人咁！好好睇啊啊啊！定妝蜜粉我既要求係粉粒唔好大，控油能力好，可能佢呢個入面有啲保濕成分，我覺得效果唔錯啊！

The body shop係外國一直以來都係性價比幾唔錯既，標榜自然既品牌！呢次佢地呢罐唔算大既磨砂，一樣用左我聽都未聽過既海檀木，味道就真係無係我likey，不過磨砂用完之後皮膚真係瞬間滑左好多！我就唔建議皮膚乾既人一個禮拜用多過一次！

呢個包裝好似係特別版！無得彈啊啊啊啊啊！而且佢地家呢支係皇牌產品係真係好有道理！首先你見到佢好天然，裡面仲有金盞花花瓣！塗完毛孔即刻有收細，而且唔刺激，感覺自己皮膚好似再清潔多次，水油平衡！推推推！