Yellownblue

鉛筆型嘅眼線筆係我嘅寵兒，尤其我呢啲化妝新手又易手震嘅人，用實在啲嘅筆型會好用啲，一嚟力度易調節（只係好似平時咁揸筆手勢就控制到），二嚟我覺得佢比液體冇咁易溶，持久啲，又易上色啲

已經用到要再買補充裝喇? 佢嘅眼影好好用，色靚之餘，您獨立用色又得，溝埋一齊用又得，效果都好立體突出。粉幼所以容易上色，而且佢個掃都好易用，仲要有兩邊大細咁比您容易推開，唔會畫出界

呢隻牌子我都係第一次見，係行行吓街見到佢呢個水滴型嘅包裝又幾得意喎，就比佢吸引住，仲要係玫瑰金色，好高貴好女神。佢陣味幾清甜，唔會太濃但味道幾出又維持到成日，重點係佢咁修長，帶佢出街都方便收藏喺袋度

呢隻胭脂嘅粉紅色好好睇，即刻大大提升塊臉嘅紅潤度，令妝容更立體。而且佢仲有金閃粉襯托，上完成個人望落去都醒神啲！佢好幼細，所以好易上又維持得耐，唔錯唔錯！?

光影係成個妝容最後嘅修飾，可以令輪廓更深更突出（可以打高個鼻?），所以都好重要咖，又點少得呢支光影筆！佢夠唒細支方便携帶，而且劃一劃就上到，要補妝話咁易啦?

呢儲防曬度得十同兩個加，好似比其他產品少咗啲咁，所以試用完就算，因為真係有黑到，冇乜效果咁? 不過佢臉同身都用得係幾方便嘅，而且唔笠，可以大熱天時都保持乾爽

精華素係對成個護膚過程中最重要嘅一個歩驟，冇咗佢就白費功夫，因為佢係將所有精髓注射滲透入肌底，為皮膚進行深層護理，保護同促進細胞新陳代謝，令皮膚又白又滑☺️ 呢支仲好快吸收唒唔會笠仲好保濕?

煙薰眼妝不嬲都流行，永遠都唔會退潮，所以當然要喺儲備一盒喺屋企啦！同埋就算唔畫到咁淨誇，呢盒嘅百搭啡色系眼影一樣襯平時嘅普通妝? 佢好易上色，而且好持久咁唔會甩色唔會溶妝，好使好用

呢隻洗臉啫喱好適合敏感肌嘅人士使用，因為佢夠唒溫和，保證深層淨化修護之餘，會好好咁錫住您嘅皮膚，唔會令佢受無謂嘅傷害。效果都唔錯，可以去唒我臉上油污

依家冇酒精嘅爽膚水真係愈嚟愈買少見少，所以出街見到即刻買嚟用！佢真係好溫和，用完皮膚都唔會刺激到發紅，而且真係覺得有效深層清潔，帶走卸完妝殘餘嘅油污。仲要保濕度都幾好，抹完都唔到乾掙掙咁

好好聞呀！又一隻香而不俗嘅香水，唔會浮誇，但又可以散發少女香氣，吸引目光，自信心都返返唒嚟，心情又會跟住靚喎? 持久度高，唔駛補噴，最正係有唔同容量揀，可以揀支細嘅袋出街隨時用都得

嗯⋯⋯價錢係真心貴嘅，因為平時啲面膜貴極都唔駛廿蚊塊? 不過我相信呢個世界係一分錢一分貨嘅，所以幾貴我都有買嚟試吓。首先佢唔同人哋，佢唔係薄薄一塊，而係厚而大，可以真正覆蓋到成塊臉，五官嘅度位都好準，就好似唔會為咗就個鼻而拉上咗個口嘅位。另外，佢都吸收到好多精華，成塊面膜敷咗廿分鐘都仲好濕透，敷完都好快滲透唒落皮膚，唔會太笠，所以到瞓醒都仲好水潤，什至效果可以維持到第二日