Yellownblue

有好嘢梗係要即刻買比男朋友用啦?（其實係益我自己，因為好香係我想聞哈哈?）佢陣味淡得嚟又好出，就算係行過都會聞到，但絕對唔係俗到會窒息嗰種，所以好正，仲要好持久?，出完成日街都仲聞到?

又一樣玩味十足嘅嘢，不過太麻煩，都係試吓朋友嘅算? 係幾得意嘅，拎一羹好靚嘅粉紅珍珠入袋仔再㩒扁佢嚟抹臉，不過就係咁齋抹就唔係好覺係敷緊面膜囉，冇乜實在感? 所以我又唔係好覺得效果特別突出

我塊臉成日都有好多暗粒，想唧又唧唔到，搞到塊臉好唔平滑，摸上嚟睇起嚟都好唔靚，搞到自信心大跌? 但試用完之後，又覺得有幫到我撫平肌膚嘅，因為都少咗黑白頭同粒粒，只可惜係佢敷完要洗走佢，麻煩咗少少咁?

呢隻唇膏筒好靚呀，仲要我本身係超級鐘意貓，所以真心推薦比所有愛貓人士用? 雖然買嚟好似冇乜作用，因為得個包裝，但係化妝不嬲係女仔每日最上心嘅環節，如果用靚嘢心情自然靚好多，可以為新一天帶嚟好開始?

通常我都懶得用晚霜，因為最怕已經眼瞓到爆炸嘅我仲要去等極啲面霜都仲咁笠唔乾冇得瞓? 但係自從去旅行比朋友逼我用之後，我就即刻走咗去買一支? 佢係可以好快比皮膚吸收，所以一啲都唔笠，表面乾爽之餘但又好深層保濕，第二朝塊臉都仲好水潤彈性

您哋睇吓！個盒閃令令咁又粉色系咁真係好靚，用起佢上嚟心情都靚啲?? 喺街度淨係拎一拎盒嘢出嚟都已經可以成為女性嘅焦點? 呢隻粉餅遮暇度高，粗糙毛孔暗瘡紅印都睇唔到嚕，當堂靚唒

Sofina嘅產品真係好持久，其實基本上我用佢嘅粉底係可以唔駛再用碎粉都唔會出油或者浮粉，所以好方便用? 佢啲粉好幼細好滑，上完妝一啲都唔厚粉，薄薄一層已經好遮暇

勁靚勁少女嘅包裝呀，仲要玩味十足，係從來未見過嘅隔離霜會係咁樣一粒一粒咁呈現出嚟，仲要係粉紅色咖，可以調整平均返臉部色澤，整體變得紅潤，咁樣化妝都好睇啲，又唔會笠喎?

呢隻抽取式濕紙巾好方便使用，唔會搣得多就黐唔返埋口，而且細細包好輕便易攜。即使佢唔係好大張，但啲精華都喺唒度，出街痕癢即刻用佢嚟清潔就乜事都冇嚕☺️

佢比施巴更早就有所謂ph5.5配方，因為沐浴露同人體取得平衡嘅關係，所以就算用佢嚟沖涼都唔會刺激到皮膚，反而製造咗一個溫和嘅環境去清潔身體，仲會充分吸引，達到滋養保濕，修護肌膚嘅效果，好用呀?

最新嘅滋潤版又有兩隻味可以揀，仲要兩隻都係好正嘅花香味? 有攻陷少女心嘅櫻花味，又有仙氣嘅茶花味，真係見到就即刻買嚟試吓?沖完涼皮膚冇即刻就乾唒，都維持到瞓醒覺，都幾好用嘅，又香！

呢個活力清爽/清新舒爽功能嘅沐浴露一共有兩隻味，一個係富士蘋果味，一個係沖繩蛋黃花香味。蘋果陣味就甜啲，感覺冇咁自然，所以鐘意蛋黃花香多啲? 兩隻都係用完唔會笠，好適合夏天出完一身汗之後用！