cindywu

今次試用嘅b.glen產品中，C serum系我嘅最愛。佢系水狀，流動性超級好，少少已經夠覆蓋全臉。在塗抹嘅時候，肌膚會出現熱力，感覺上成個精華系隨著溫度提高勁快地吸收，並滲入肌膚深處角質細胞。 試用一個星期，真係感覺到肌膚平滑舒緩咗，而且上妝時滑咗，持妝度亦高，可以捱到下午亦不脫妝。真係比人一種剝雞蛋殼的體驗，感覺煥然一新！在整個系列產品中我認為系必入嘅一隻！

試用b.glen化妝水前，先介紹下b.glen獨家的QuSome滲透技術，使肌膚保養成分有效滲透至造成肌膚問題的肌底，同時確保效果長效保持。 首先睇下質地，屬於清爽與滋潤之間，容易推開，可能系我皮膚問題，吸收得不算太快，但是睇得出滋潤度算不錯。但係我覺得最重要系用咗佢之後，後來用嘅serum同face cream都吸收得好，令其他產品更好地發揮作用。作為肌膚與保養品之間嘅bridge，我覺得QuSome Lotion系出色！

相信有草莓鼻嘅人都明白我嘅煩惱，就係毛孔粗大有幾尷尬，有時連化妝都遮唔到。今次試用b.glen就係抱住奇蹟拯救我嘅心態而嚟，認認真真試用一星期，現在就嚟睇睇成效！ 首先試用嘅系礦泥潔面乳，一開始睇到礦泥兩個字諗到系好似火山泥咁嘅clay mask，但係原來唧出嚟系乳白色嘅cream狀。 礦物泥嘅質地容易推開，而且好潤，輕鬆推開至全臉，慢慢按摩，推出皮膚髒污物。最重要系沖洗乾淨後沒有乾燥感，肌膚水潤Q彈。使用一周，感覺肌膚得到舒緩放鬆，但係暫未見到毛孔縮小的狀態，但肌膚總體得到提升。

女人最唔想嘅就系歲月在臉上留低痕跡，而眼周嘅乾紋真係防不勝防，有時捱夜同疲勞都會被對眼出賣，所以無論日夜都要對眼睛呵護備至！ 今次試用嘅Bicelle全效維他命C護眼精華，成為含有7% L-抗壞血酸、10%透明質酸、葡萄籽萃取物、蜂膠精華、積雪草、甘油，為眼周肌膚提供天然屏障，用得有效又放心！ 質地系水狀，早晚潔臉後去1-2滴塗在眼周，慢慢按摩至完全吸收，之後再塗eye cream增加對眼部幼嫩肌膚的呵護。使用一周後，細紋有輕微減淡，效果不算十分明顯，但是感覺舒緩，相信長期使用會更有效果！ 價格HKD329性價比中上，要配合其他眼部產品共同使用效果更佳。總體推薦，可以長期使用體驗更顯著效果。

點解佢叫Bicelle全效維他命ACE精華，因為佢含有高達15%高濃度左旋維他命C，加上維他命A、E等，一樽就可以促進骨膠原增生、刺激肌膚更生、減淡色斑及深層補濕。今次第一次試用，連續使用兩個星期，真係睇到皮膚有改善！ 我一般在晚上潔臉後先塗上爽膚水和肌底液，再使用ACE精華，將3-4滴滴在臉上同頸部，輕輕按摩直至肌膚完全吸收，相對於平時用開嘅B5 gel，佢質地相對厚，滋潤度較高，但係又唔會對肌膚造成負擔。堅持使用一段時間明顯覺得乾紋有減少跡象，而且皮膚光澤度提升，顯得白淨水潤，暗瘡印有減淡，真系一試愛上！ 不過因為含有維他命C，所以要在早上使用我還是有點卻步，但官方表示產品亦可以在日間使用，但係要做好防曬，咁就放心曬啦！ 總體試用滿意，系甘多試用產品中效果比較顯著嘅產品。

Bicelle B5補濕精華一直系我嘅最愛，直接可以用“平靚正”嚟形容佢，今次有得在試用眼部精華嘅同時試埋佢，姐我真係要強烈推薦！ 首先睇下佢個成分，主要系透明質酸、維他命B5、甘油、綠茶精華、積雪草、活胜肽，構成天然，性質算溫和，平時肌膚容易泛紅嘅我，用咗並冇過敏症狀。 講到質地，Bicelle B5 gel雖然叫gel，但係佢系水狀精華，延展性高，極容易推開。而且對混合性肌膚嚟講毫無負擔，就算在夏天都好容易吸收，唔會令肌膚油光滿面，令護膚下一步搽cream都好容易吸收，直接令妝容服帖、持久自然。特別系換季途中出現持續缺水的現象，明顯可以效修復皮膚乾紋、暗啞、毛孔粗大、老化等問題。特別有時做完facial，皮膚有輕微受損嘅情況，最岩用B5 gel，可以快速修護皮膚損傷，效果非常顯著。 再講下價錢，329蚊得60ml系有D小貴，但係精明嘅消費者可以在萬寧出位價199時大量入貨，夠曬抵！

一齊開啟U-TURN年輕之旅吧！一句咁吸引嘅廣告台詞，已經令人蠢蠢欲動。作為醫學美容產品，Bioderma嘅再生水系未真係親民又好用呢？之前聽好多JM講佢令肌膚起死回生，今次終於可以親自試下，認真期待！ 首先講下包裝，個設計非常用心，獨立新鮮包裝，保證產品質素，一日用一支，份量剛剛好。首先睇下質地，水凝質感，無色無味，輕盈清爽唔笠身，在使用爽膚水之後輕輕拍打在臉上，肌膚吸收得好快，不過顧名思義，佢系再生水，功用在於幫助肌膚再生同促進肌膚代謝，最終結果系抗衰老。我諗因為系咁，所以佢系唔潤嘅，之後要選擇補充返水分同潤澤感強嘅精華同面霜。 因為不含防腐劑，產品開封後要12小時內使用，包裝比一般的安瓶使用時更方便，不怕開封時被玻璃弄傷，獨立迷你包裝亦適合帶去旅行用。 連續使用咗兩星期，肌膚明顯有光澤，額頭同眼周輕微的細紋亦有減淡。現在連上妝都靚過以前，雖然未回到20歲，但係出街都已經充滿自信！

今次she.com試用嘅系西班牙CP值超高嘅彩妝品牌3INA，一開始見到佢個賣點系longwear，第一個感覺就系哩個只系噱頭嚟，實際用一定唔longwear，因為用過咁多只話自己longwear嘅唇膏都系伏！但係有驚喜wor，大家一齊嚟睇下個真相： 包裝行嘅系簡約穩重嘅路線，有微微的淡香。講返只顏色，其實我真係唔太中意，有D容易令整個妝容顯老，如果可以選擇，可能我會揀偏紅或者粉紅嘅色號。 剛搽上嘴覺得好滑，開始時稍有光澤感，唔會好似其他唇彩/唇釉一樣好jelly嘅感覺。幾秒之後所有光澤感消失，好似變成咗一層膜咁粘附在唇上。一分鐘後用紙在嘴上輕印，只留低淡到可以忽略嘅唇印，成個唇釉好似變成咗tattoo咁。而且哩只唇釉嘅防水性能好好，各位仙女可以放心飲水同食野，一定唔會搞到個杯邊一個唇印，又或者系食完飯個唇妝唔見咗！ 實測咗一個早上冇甩色！不過overall佢都有所有longwear唇部產品有嘅問題，就係容易乾，同埋容易顯唇紋（因為本人天生唇紋深厚），但係如果揀longwear佢又絕對系above average。而且價格吸引，總體我覺得系值得入手嘅產品，不過老老實實要揀過只襯自己嘅色。

在隔離評論完Ampoules EGF Oligo Peptide，馬上再睇下白色樽裝嘅維他命C安瓶精華。首先個包裝同紅色抗皺安瓶一樣，系玻璃瓶密封裝，所以品質有保證。如果一次用唔完可以用包裝盒中嘅塑膠蓋，合好就可以留待下次再用。但係維他命C比較容易變質，而且用後不宜讓肌膚暴露在日光之下，所以大家要避免日間使用。 產品質地系流動性比較高嘅水狀精華，真係好似水一樣，質地輕盈，非常容易吸收，而且唔會造成皮膚嘅額外負擔，用咗可以繼續搽面霜無難度。維他命C安瓶精華吸收性非常好，唔洗十秒皮膚已經吸收得乾乾淨淨，等乾咗之後我仲再塗咗第二次，皮膚吸收好，如果大家有暗瘡印或者膚色不勻的問題，哩只產品絕對系你嘅正確選擇。 包裝上建議每7日使用一次，十星期系一個療程，乖乖地跟住指引，持之以恆地用十個星期，唔知肌膚會唔會煥然一新呢？好期待啊！

今次she.com試用嘅系安瓶，而且系來自Ampoules EGF Oligo Peptide表皮生長因安瓶精華，一盒8支，紅白各半。其中紅色是抗皺，白色系美白。首先睇下個樽，系玻璃瓶密封裝，唔單止可以避免細菌污染，仲可以保持品質的穩定性同新鮮度，所以受到甘多女性嘅喜愛。設計好有heart，有個塑膠蓋，就算用唔完都可以蓋好下次用。不過為咗產品品質，最好梗系一次過用曬佢（可惜一支其實真係幾大支，好努力但係一次用一支幾乎系冇可能）。產品質地系水狀精華，流動性一般，所以比較滋潤。吸收性非常好，唔洗十秒皮膚已經吸收得乾乾淨淨，等乾咗之後我仲再塗咗第二次，皮膚吸收好，可以有效撫平細紋，滋潤度大大提升，岩曬現在乾燥嘅秋天。 包裝上建議每7日使用一次，十星期系一個療程，包裝標明使用後唔好曬太陽，所以大家記住唔好日間搽啦！真係好期待十個星期之後嘅效果，到時再同大家分享！

認識GLAMGLOW系因為當時紅極一時嘅mud selfie，好多明星都成為GLAMGLOW系列面膜嘅忠實擁躉，於是我毫不猶疑地入手咗人生中嘅第一瓶黑罐，當時有被粗糙嘅泥膜驚艷（其實系驚嚇）到，因為質感太似在泥裡面執上嚟的樹葉碎定茶葉梗，不過效果呢就絕對系去角質同深層清潔中嘅佼佼者。今次試用白罐真係令人期待，因為在我心中佢系幼滑版嘅黑罐，我對佢嘅最大期待系對鼻翼黑頭嘅清潔能力。

來自紐約嘅護膚品牌MALIN+GOETZ包裝行嘅系簡約風格，哩種行實力唔靠外貌協會俘虜少女心嘅包裝，未用就已經深得我心。岩岩好最近皮膚狀態好差，皮膚乾燥暗沉，仲面臨爆痘危機，哩款深層清潔面膜嚟得正是時候，即刻就拆開試用！ MALIN+GOETZ泡沫淨化排毒面膜，成分包括胺基酸、天然杏仁精華、穩定性維他命C、抗氧化維他命E 、大豆蛋白、保濕維他命B5、角鯊烯和甘油。 詳細試用效果大家請睇圖。