shuchoux1

Phyris呢支緊膚精華質地就相當流質，係淡淡地綠色既，有些少清新味道好淡既。個個都知道膠原蛋白係保持皮膚彈性其中最重要既一個成分，呢支主打膠原蛋白既精華效果幾令人滿意，真係見到皮膚彈性變得好左！

貴野真係好野！雖然就係覺得有些少太貴啦扣左一份但都係要盛讚。呢支精華液真係無敵好用，佢質地好補水，但係吸收又好快！而且修護皮膚，同埋痘痘肌既深層護理都好有效！budget鬆裕可以試試！

我覺得眼霜最重要係夠滋潤，去黑眼圈效果好，如果能夠提拉眼部皮膚就無得彈啦！呢個眼霜話佢全能都勉強啦，哈哈，我覺得都算唔錯既，去黑眼圈同埋都好滋潤！但係就覺得比較稠唔係好好推，因為始終眼部肌膚比較嬌嫩，唔想咁用力嘛！

死海泥對皮膚一直好有療效作用，今次唔洗飛咁遠直接去買sabon呢個身體“面膜”就得啦！佢大概敷係需要既地方十分鐘左右（覺得好好玩第一次敷“膜”係面以外既位置），之後沖洗完真係明顯見到白滑左！好開心！我會建議乾性皮膚既姐妹們記得記得事後用埋body butter去滋潤一下就更好啦！

又係呢個荷里活推推既牌子啊！呢個抗皺精華既包裝我係有些少笑左出黎！個個噴嘴加灰色真係好cyber robot感覺！不過好得意，佢係噴攞塊面度，但係唔係完全好水質個種（都算滋潤），噴落面有些少泡沫，按摩兩下好快吸收！第一次用已經感覺有些少提拉感啦！

贊下個樽既設計先，真係好elegant，佢無係純粹一個紫色而係個種好似珍珠反光既紫色，哇....呢支精華既香味比較濃，唔算係好討人厭既勁花香味，質地上好好推，基本上上面推開已經吸收曬，雖然保濕度好好但係完全唔會覺得焗或者油膩，推薦啊！

其實如果講係提亮膚色減低暗沉既效果helena rubinstein呢支做得幾唔錯既。點解我會比低左分，系因為我實在真係無係好中意佢陣味，覺得怪怪地....佢質地上會似面霜，上面一陣會發熱（可能系作用緊），但係唔會話好刺激。

Estee lauder呢個紅石榴系列既產品都相當好用！呢個修護晚霜佢既質地都屬於滋潤啲鎖水能力強既面霜，好明顯一晚過後面上面仲會覺得有一層保護層咁。至於話要美白就無咁誇張，但係會覺得肌膚真係透亮左！

嗰陣見人人都贊呢罐火山泥，又見YouTuber都話好，特等買黎試。但係我真係幾失望，其實我對innisfree 既產品都有幾好既印象，不過呢個真係我用咁多既清潔面膜中算令我後悔既一罐。佢質地本身我覺得就已經比較難少少推，唔係好滑，清潔毛孔既效果亦唔係好明顯。唉...

其實我自己覺得佢好好用，係好貼服，唔會好油光滿面，而且持久度都好夠，我自己容易出油既皮膚，會加一個比較保濕既bb cream一齊用既通常。不過呢我覺得唯一既缺點就係佢既顏色上面偏白，同我皮膚就可能有啲明顯差別。

林三益粉刺掃係嗰陣好似睇女人我最大知道既。因為我自己係痘痘肌會覺得自己用手洗唔夠乾淨清潔，所以特等買黎試下。我自己覺得其實如果唔嫌要用掃洗係相當好用！佢刷毛好細但係好滑，唔會覺得有野插住面，而且清潔力真係好強。如果有痘痘肌既朋友想係洗面乾淨啲可以一試啊！

DKNY啲香水我都幾有好感架！呢個香水同個樽真係好夾，一種好少女既氣息！佢混合左花香同埋淡淡既蘋果香味唔會好濃既花味令人難以適應（我怕怕地濃既花味）又唔會好甜好假既感覺。聞到真係少女心爆發啊啊啊啊啊！