shuchoux1

VS既髮型產品一直都係我覺得中價既高級貨！本身已經好中意佢地啲香味。呢個護髮素係好明顯你洗完一次，頭髮就已經柔順左一百倍，開叉啲問題都好改善得到！順直頭髮既效果就無得彈！

呢支潤唇膏都唔錯，佢屬於非常保濕滋潤型。係質地上比起一小罐個個玫瑰潤唇膏稍微后些少，都比較持久既保濕能力，不過我自己就對於呢種頭既設計覺得唔係好好用，有些少覺得容易污糟。

呢個五分！有得比六分我想比十分！（哈哈哈哈）因為首先真係好滑，如果你話滋潤度我自己覺得一日要塗幾次既，但係因為好輕薄，唔會好漿住咁所以補下幾好（我系超級乾燥既地方所以要補，香港未必要）而且佢有些少淡紅色，上嘴真係幾靚架！有些少提神既顏色！

買呢個系因為之前個收毛孔面膜我覺得好好用所以一試，不過有些少出乎我意料，我自己覺得麻麻地。因為如果你講消滅黑頭既功效我個人覺得好多產品都可以做到呢個效果。所以我真係麻麻地佢。

凡士林真係由細聽到大，以前都唔覺得佢有用大個先覺得。如果話日常護膚我就麻麻地，因為覺得質地好厚，而且防水！係真係呢攞水洗唔到!但係當你皮膚敏感好痕癢或者系損傷，呢罐真係萬能法寶，因為去成分得一兩樣，而且好夠滋潤！

前幾年用呢個產品個陣係一路搵緊收毛孔既產品。對我黎講我其實覺得幾好用！如果話毛孔有無收到好好，我覺得其實感覺有細啲啲，而且佢質地幾潤身，晚安面膜當埋補水幾好用，而且完全唔刺激！所以我自己覺得價錢都幾抵，五分！

Eve lom既潔面產品相信大家都略有所聞啦！呢罐面霜質地唔油膩，幾清爽，吸收的好快，如果追求滋潤度好夠既話，呢罐可能就麻麻地夠。不過從亮白面霜而言，呢罐都幾唔錯感覺上皮膚有一種透亮感！唯一點解我評分會低左系因為我覺得價錢上對於一般使用就有些少貴啦。

據說呢支v面精華係Clarins既皇牌！我自己覺得佢質地方面都係爽身，吸收得好快可能份子細。如果真係好細緻咁講的話，有feel到少少收緊皮膚？個類少少既提拉感覺。不過你話會唔會照鏡即刻哇一聲瘦左，咁呢好坦白唔係持之以恆係唔會有咁既效果既。

對比起佢呢個系列既面膜，呢個面霜既保濕效果就略少一啲，我自己評佢為都算清爽型既保濕面霜。質地上唔算厚，上面後好快吸收，如果話冬天用可能就唔係好夠，如果話夏天尾秋天就幾適合既。尚算唔錯！

Clarins呢支面膜我個人覺得係比較潤身，好短時間就可以令皮膚感覺到水潤。比較適合乾性皮膚既朋友們！佢質地上都唔算太稠，想效果好啲既話我會建議唔好太han用多少少敷既厚度一定要蓋過毛孔！冬天用好啊！

Biore呢支面部磨砂膏我個人覺得都相當潤身！我屬於皮膚比較薄，呢支磨砂既顆粒幾細幾密，但係上面係好滑，細細力按摩之後會覺得皮膚滑左好多，好乾淨！但係絕對唔會話好乾！

係budget有限但又想定期清潔毛孔既時候，鼻頭貼就係好幫手啦！Biore鼻頭貼黏度好夠，感覺上一次都清左幾多粉刺！唯獨係大家要掌握好個時間唔好太乾太濕就得架啦！