shuchoux1

Biotherm呢個精華都幾好用啊！首先好開心佢話light真係夠light,比lotion仲輕身，好快就吸收。雖然話佢好薄，但功效上都做得好唔錯架！滋潤度都好足之餘，佢淡剛發生既痘痘印好有效！唔錯唔錯！

個人認為呢個眼霜屬於非常滋潤型，如果你眼部有好多乾紋既話，呢個眼霜都相當適合你嘗試。不過我其實就唔屬於呢種，會覺得佢上左眼皮后既質地稍微太潤身，覺得好似有層野咁。如果化妝既話眼部附近就覺得唔夠貼服。

頭髮毛躁幾恩物啊！呢支頭髮精華唔似焗油咁厚身，唔會好油膩。佢屬於好容易吸收既清爽型。用法都好方便架，無論係乾髪或著濕髪都用得！大概用5到10分鐘左右，就明顯見到頭髮順滑左好多！

我呢支Avenda既護手霜係大隻裝，唔係隨身攜帶個種！佢呢支大推維他命配方，的確用落好滋潤，如果系好乾裂既手會覺得舒緩一啲。我中意佢唔會覺得好油，用完唔會覺得手上面好厚一層，但係洗完手唔會覺得洗走曬。買大隻裝抵啊！

佢呢個3D唇彩屬於相當閃令身既個種，望落去會好明顯個嘴厚身左少少。如果你係鍾意好玻璃嘴呢個都相當適合你架！佢顏色就算唔係好鮮豔，我自己會當佢半透明有顏色咁，自自然然。

眼線液通常都係黑色啡色，呢個呢有藍色啊紫色啊，如果配合埋個鮮豔既眼影會好靚好有style!佢筆頭好幼細所以唔洗驚慢慢描一條靚靚眼線！我覺得好正係因為個眼線唔會用完覺得好誇張係好自然得黎又有些少唔同予一般眼線

Bourjois 呢種眼影粒我會建議如果化妝新手用啲貼近膚色自然啲既顏色，比如橙色。因為呢個眼影既份量都幾多，用好耐架。佢質地都好滑，閃粉好靚亦都好容易上色！所以呢我就覺得搵一個自己最中意最常用既顏色買就唔會浪費啦！

嗰陣大減價買左好幾支，我買左西柚，士多啤梨同埋唔記得左咩味。香味幾好聞，不過如果期待顏色好鮮豔就唔會適合啦！佢屬於厚身同埋相當透明既唇彩，就算你見到士多啤梨個支好似好深色其實上嘴真係好似無咩色咁，但係好夠閃。

人生第一次用the body shop 既面膜就係呢個，記憶猶新！以前用過natural republic 既蘆薈膠，對比下覺得好大分別。呢個係白色既明顯厚身好多既cream狀面膜。唔會話好難推開，不過真係潤身，唔會好快吸收，滋潤保濕，我覺得適合冬天用！

首先，非常潤X100。我真係覺得佢地既面膜都係比較潤身，唔知係咪因為產地係歐洲所以好著重保濕。呢個維他命E面膜我會推薦比皮膚健康差啲敏感肌痘痘肌用，因為佢可以修復皮膚，而且保濕。

有段時間爆痘痘好嚴重就試左呢支The body shop既茶樹油。大家都知茶樹油對於痘痘既治療係好直接有效，呢個係純茶樹油，價錢唔貴。佢陣味其實都既勁，唔係香...感覺上滴左係有幫助個痘痘消得快少少，如果話會唔會好快消咁又唔會都要三到四日。

比起米個個面膜，我自己就更加鍾意呢個黑糖面膜。首先呢，佢稍微有啲啲甜味，米個個就係米水咁既味（我覺得）。佢質地上同米既差唔多，都係有些少顆粒，可以按摩當磨砂。不過呢個面膜明顯敷完會覺得塊面潤左，唔會話磨砂完好乾，都唔錯。