shuchoux1

贊贊贊！呢個面膜效果好好啊！首先我幾鍾意佢雖然係膏狀啲但係都好好推，好容易就攤開。效果上幾明顯，毛孔真係細左（唔會縮曬但係見得到細）建議唔好用太薄，厚少少啦效果會好啲架！推推！

自己覺得呢個美白精華就中等啦。佢係比較水狀既質地，唔會好黏手，上面吸收得好快。雖然薄身但係都幾能夠保濕鎖水。但如果你話美白淡斑淡印既效果我覺得就唔算非常突出啦。

3ce既呢支粉底液之前見都幾多youtuber試用，搞到我都好想試！呢個粉底液顏色選擇比較少，只有四個顏色。佢既質感非常水質，望落去比較似係有顏色既水咁，佢遮瑕度唔算好強，適合自然裸妝，塗抹以後有一種光澤感！

我覺得呢個真係相當好用！買過好多支！不過我係大支裝既。佢本身價錢就已經算好抵，對我而言，修護秀髮既能力算係平價Sassoon！而且香味好持久，用完真係香噴噴又有靚靚頭髮架！

豬鼻貼都係見某個我中意既youtuber講起平價清黑頭我先試下。個陣我仲買左好多之後好多無用過。其實我覺得有三部曲都幾好，但係我清出黎既黑頭效果唔係好明顯，收毛孔既效果都唔係好明顯。因為又加上我覺得步驟好長時間所以就覺得無特別好感。

呢支係個陣買維他命C個支美白收毛孔精華同時買既。呢支我真係頂唔順。如果話刺激啊個啲其實都無。但係我真系有堅持搽，真係對於收毛孔無效果（好傷心）質地上上面我自己覺得有些少厚，好似都唔系好吸收，係面上滑滑地咁。

呢支精華入手係因為見到好多Youtuber都推介所以想一試，畢竟自己都有啲毛孔問題。佢價錢係精華黎講算好便宜，但係質素上我自己覺得一般般。佢質地算中等既厚度，吸收都需要兩分鐘左右。我自己覺得收毛孔既效果真係無咩，但係如果話美白都有些少既。

比爆分佢啊！呢支洗頭水係我第一支入手既tresemme洗頭水！首先味道，我好中意！另外係佢好大支好抵用又唔貴！用完唔會覺得頭髮好油洗吾乾淨或者頭髮好乾，大推推推！

Tresemme既洗頭水成分方面因為無矽所以就覺得用得安心啲。呢支我買系因為之前用維他命e個個效果好好。不過呢支我就有些少失望，可能因為我既頭髮唔算好油，佢清潔力好強，所以搞到我覺得有些少干。味道方面我自己都係中意維他命e個支。

呢個都係幾年前朋友送我用過既。首先第一眼，個包裝無得輸,好elegant ,好有質感。護唇霜質地我自己覺得就比較難攞，佢屬於比較硬身，同凡士林個只比，凡士林個個軟身滑好多，所以我每次都係靠手指攞上嘴。不過滋潤度方面就比凡士林既玫瑰潤啲。

乾燥頭髮開叉頭髮既姐妹們，呢支恩物唔好錯過啦！佢真係超級潤身，基本上你洗第一次，就會好明顯覺得自己啲頭髮由獅子頭變成左貓咪毛！係好明顯開叉問題同乾髪問題好有改善。不過如果你屬於油頭既朋友，呢支就唔係好適合你啦因為佢比較潤身，唔會做到好清爽既個種效果。

呢支唇膏我用既係梨味，係一位朋友送我用既。呢支lip balm真係無敵好用，超級潤，而且梨既味道好香甜。佢質地比較厚身如果你處於非常乾燥既地方老實說我覺得你一日用一次已經好夠滋潤。唯一既缺點係個蓋真係好煩，因為比較細好難扭好難放，次次都周圍Look.