shuchoux1

Clean and clear都算係平價藥妝入面有啲信心既牌子。不過呢款主打清潔毛孔既洗面膏我自己就覺得唔算非常深入清潔毛孔，如果係一般清潔為目標既朋友，都可以當係一支日常清潔既潔面膏。

之前用過呢支後來無點用，因為覺得佢去油能力雖然真係好強，會覺得洗完頭皮好乾爽，但係發覺有些少太乾。用左一排會覺得頭皮因為太乾燥所以痕癢。我建議除非真係頭皮好油既朋友，唔係既話可能其他系列比較適合。

Head and shoulder我細個開始用，覺得佢洗得好乾淨，唔會好油。不過我自己最鍾意呢樽，因為我覺得佢陣味最香，而且唔會洗到啲頭髮太乾，就算唔用護髮素都唔會覺得好開叉。

呢盒眼影就完全係啞色既，適合做啲好自然裸妝，大眼妝既效果。我自己就覺得顏色都好好睇！唔會覺得個啡色好深色。粉粒非常幼細好滑身，顯色度都好夠！

單從眼影既質素黎講我覺得好滿意，因為個眼影好滑，粉粒都唔會話好大，閃粉閃得黎唔會話好誇張。不過我就比較鍾意自然啲既暖色系啲既眼影盤，因為佢呢個設計係打底，光，暗都有齊，所以希望之後會再出咁樣既暖色系眼影盤。

Canmake一直都品質唔錯，日本牌子總係覺得有保證啲。佢呢支染毛膏，我自己就覺得兩個啡色都稍微有些少淺色，本身因為我條眉好黑想染淺色少少，不過呢呢個顏色仲係太淺色。我會建議有染頭髮既人用會比較合適，唔係既話會有些少突兀。

首先佢大大支我都已經覺得好抵用！雖然覺得燕麥呢個配搭有些少奇怪....但係當我對手裂或者太乾而痕癢既時候就好需要呢啲唔刺激，而且潤既護手霜。個人覺得足夠滋潤for冬天同乾燥地區。

係外國呢支保濕好受歡迎！因為好多敏感皮膚乾燥皮膚用左好有效！而且因為佢好天然，無咩添加同香精，所以對於我呢種敏感型既用既時候好安心。質地上就唔算太稠，用完感覺唔會黏手，都幾舒服！

嗰陣我只係買左個粉餅同埋粉撲，我就唔係好知道點當濕粉用。但係乾粉用都已經好好用，遮瑕力好唔錯，粉質非常細滑，而且同膚色好接近，效果好貼服！推薦啊！

推推推！雖然我真係對玫瑰既味道好有意見，但係呢支玫瑰水噴霧真係幾正！玫瑰水本身就已經好滋潤，提供好多水分，而且好溫和舒緩肌膚問題。宜家呢個噴霧裝我覺得咩天氣攞出街隨時冷氣太大吹得太乾都用得！保持自己塊面水潤既感覺！

Laneige既產品我覺得保濕力都做得好好，呢個精華液都一樣，幾滋潤。但係如果你畫要針對亮白效果而言，我自己就唔係好覺得亮白左，唔知大家點睇呢？

撇除顏色選擇無咁多，比較紅以外，其實我都幾中意呢盒碎粉。佢質地幾滑，可能有礦物既原因我唔覺得敏感，而且唔會好粉樣。至於佢因為偏紅，所以我覺得攞黎用做一個好淡好自然既胭脂稍稍令自己有些少紅潤。