shuchoux1

以前我用呢支既時候係買曬成個系列一齊試，當時面上毛孔大，偶爾都會爆幾顆痘。我覺得呢支爽膚水其實如果單從清潔毛孔黎講做的好好，因為真系覺得會乾爽左。不過我個人就覺得用完稍微有些少乾。建議之後要用返補水既產品。

Jurlique既產品品質一直都唔錯，價錢上中等。呢支護手霜從質地上黎講，都幾潤，（都係麻麻地中意玫瑰味）。但我好想表達一下對於包裝既一小建議，就係個蓋，我用呢種蓋其實覺得幾唔就手，容易跌走，尤其當用完hand cream只手仲比較滑少少既時候夠...

The body shop既 body butter其實真係好抵，好大罐。至於呢罐點解我麻麻地呢，首先係因為我自己其實對於玫瑰既香味真係麻麻地...如果中意玫瑰味既朋友們，選呢罐啦！佢保濕做得好好，但個人覺得系香港黎講或者有些少厚，唔需要日日用。

大贊包裝！淺色既木令到成罐面霜好清新，未用都已經好舒服。一如既往，Origins,都係走好清新自然既路線，呢罐一樣，我推薦係乾燥既地方同埋秋冬天用，因為佢質地上比較潤。攞既分量都唔需要太多，一個手指甲左右就夠全面架啦。

據說呢個牌子係荷里活明星有用！哇真係要試下！呢個磨砂面膜個顏色就有些少綠（個樣真係麻麻地...比較稠)，見到佢含有好多唔同既植物成分，天然！磨砂顆粒好幼細，薄薄地涂一層其實就夠啦，同埋好細力按摩就好啦！我個人覺得其實如果皮膚唔算好薄既姐妹們應該幾中意，我就覺得用完皮膚未去到真係更新，但係真係感覺白滑左!

呢罐深層極致保濕舒緩水凝霜我個人覺得攞黎急救幾好用，就係當皮膚出現啲泛紅啊敏感既時候，用下黎舒緩效果幾好，因為佢無油、無添加對於敏感左既皮膚黎講係好需要補水但盡可能少添加物。所以呢罐唔錯！推！

呢個收緊頸部皮膚既頸霜，質地呢我就覺得係稠一啲，我會建議先攞一啲唔夠再攞一啲黎用。而呢種收緊皮膚啊既護膚品，記得記得要配合返向同一方向既手法我個人覺得會比是但塗上去更容易吸收。用完感覺都幾水潤。

呢支醒膚啫喱，首先包裝幾特別，唔係普通就咁擠出來。佢質地唔算好黏手，有些少淡綠色。覺得吸收都幾快，幾潤澤，但就唔屬於會油油膩膩個種保濕效果。我覺得就算係三十歲左右既男士無咩細紋都適合架!

呢支clay mask幾好用喔！首先佢係呢種顏料包裝，擠出來好容易，相比起用罐裝要挖出黎衛生好多！另外佢含有礦物海水成分，對於溫和潔淨毛孔我自己覺得幾乾淨！皮膚用完唔會紅唔會好乾，幾好幾好！

磨砂膏最緊要顆粒唔好太大，同埋唔好太乾。呢兩樣呢支磨砂膏都做得好好，顆粒比較細，能夠溫和去角質，洗完面依然覺得塊面幾柔軟既舒服。另外唔知道係咪因為磨砂定係因為有維他命C,感覺上洗完塊面好似白左!

第一眼見到呢個產品仲以為the body shop開始賣藥品添哈哈。呢個產品呢用上面度都幾舒服，我純粹係當多一個營養比塊面，無點考慮有咩功效，心理上會覺得直接用維他命c上面始終少好多添加，自然健康多啲。

雖然我唔係好老，但係我都係試左呢支精華。抗衰老聽起來都幾恐怖，其實毛孔開始失去彈性，色素沉澱都系皮膚衰老既特征，呢支產品其實都幾幫的下手，感覺色斑淡左，毛孔似乎無咁明顯！