shuchoux1

人生第一支bb cream就係呢支，我好似用左唔夠五次就無再用啦...首先因為佢其實顏色得幾隻，而且都偏紅，我皮膚是偏黃，用上面就好似燒紅左...另外我見youtuber同啲韓星們用就好貼服，我自己就覺得無辦法對付我啲毛孔，而且比較厚身，所以就覺得麻麻地。

又係維他命C系列啦！對於暗沉膚色既我，vitamin C既亮白功效真係恩物！呢罐面霜有些少淡香，其實我之前會怕佢刺激，因為維他命C始終都係屬於酸性架嗎（我自己係咁覺得），但係又唔會哦，我覺得保濕就都可以，亮白效果仲係期待中！

鍾意鍾意！呢個個陣一推出就覺得好想要！曼秀雷敦既潤唇膏本身質地就好好，夠曬潤！呢支重要係有色！唔係平時既有色，而係個種隨著體溫變化而從透明變成粉紅既唇膏！覺得好好用，好自然，而且望落去個人精神好多！

Sabon既body scrub好出名，我其實都唔多嘗試腳步護理產品，因為其實我對腳唔算係太乾既類型。今次呢個質地唔算好厚身，比較滑既膏狀，一啲啲淡綠色，搽左真係覺得滑啲，唔知係咪乳木果既關係，覺得幾潤幾舒服。

bb cushion就用得多啦，見Lancome出左，又試下。呢個cushion其實質地都幾好，屬於陶瓷妝質感，唔係好有光澤度個種。顏色方面我就覺得比較白，因為自己屬於比較偏黃膚色，中意啲貼近自己膚色既粉底，如果你中意係提亮型或者偏白既妝容，呢個可以一試！

以前成日以為唇膏只系攞黎扮靚靚，之後限制原來潤唇膏係咁重要!曼秀雷敦既潤唇膏係個嘴好乾燥既時候真係好幫手，唇膏本身質地都滑，唔會話好難上嘴，而且仲有啲甜甜地既香味！搽多幾層都得！

呢支眼部精華其實我自己就覺得對於淡紋既效果我一般般。可能因為我其實無咩眼紋，但係當係抗衰老既預先嘗試下用，覺得眼部肌膚維持得到一個健康既感覺，但係眼紋就無咩感想。

呢支eye serum係朋友推薦我既，我係好明顯見到佢有效。我朋友屬於超級大眼袋，仲有啲暗沉黑眼圈。佢係每一晚用完其他面霜用（佢有稍稍按摩一下）見到真係黑眼圈明顯減淡！眼袋都覺得細左，對眼真係覺得有神，所以推薦啊！

因為曾經聽聞過用泡沫清潔面部會乾淨好多，所以個陣見到出泡沫裝就試下（個陣我唔系好識用手令潔面膏氣泡）。的確一按其實就會有好綿密既泡泡就出黎，但可惜我真係麻麻地識用呢中咁多既泡上面，所以就效果一般啲，同佢同一系列既潔面膏比我比較中意潔面膏。

呢支bobbi brown既粉底液係見到Pony用先試架！中意佢夠有光澤咁，但唔屬於令到皮膚覺得白左好多或者滿面油光。而係覺得健康帶有光澤既肌膚，我個人覺得唔算特別高遮瑕力，但係攞黎做自然妝感好好！

Lancome佢皇牌應該大家都知道係小黑瓶，對於修復皮膚，抗衰老我覺得佢地既產品都做得好好。呢個按摩乳霜一樣，見到真係用左一排，皮膚真係見得到既健康，真係有光澤左！

痘痘貼我印象中試過好幾種。之所以會試曼秀雷敦系因為佢痘痘系列做得幾好。不過我對呢盒痘痘貼印象麻麻，因為我試過3M個盒，覺得呢個痘痘貼比較厚，唔算好貼服，對於痘痘既治療一般啲。