shuchoux1

要贊下，呢支真係幾好用。呢個價錢，買到咁大支既膠原保濕精華，好抵用。唯獨係個瓶口我個人覺得有些少難控制要幾分量。佢質地上屬於有些少粘手，流質得黎算稠一啲啲既感覺，放上面后要稍微比少少時間去吸收，但係用後皮膚真係覺得軟左嫩左。

Orlane呢支亮白凝露呢我個人覺得亮白既效果就都幾好，覺得有提亮既作用，唔係漂白個種無咩血色既白。至於佢話可以收緊毛孔呢方面我目前仲有啲保留，可能係因為白左，望落去毛孔無咁明顯。

我覺得呢個無得輸！本身個包裝就已經非常靚！好高貴既感覺，呢個價錢買到呢個款正啊！至於話唇膏本身，我覺得顯色度唔會非常高，我會定義佢類似有色潤唇膏珠光效果就比較明顯。始終佢唔係主打潤唇膏，所以唔會話非常水潤，建議補多幾次啦。

印象中卸妝油一般都係流質，但係好神奇既係呢罐！係啫喱膏狀！呢個需要按摩一下去令到產品深入清潔毛孔既污物同埋啲死皮，我自己就覺得清潔得乾淨，有些少似磨砂架卸妝油融於一身既產品。

同白色既個罐renewed hope同埋舊版hope in a jar比，呢罐我最中意！首先睡眠期間幫手修護皮膚就已經係一大優點！呢罐既質地係三罐入面最厚最稠，但係唔會話黏住頭髮。滋潤度好夠，一覺醒來都仲覺得保濕緊！

呢個係之前用既philosophy hope in a jar既加強版，個人覺得可能質地上比起之前既稍微稠一啲啲，算係水潤。保濕上相對黎講相約，但係我覺得用完皮膚感覺光亮啲唔知係咪因為果酸既原因呢？

佢地成個系列我覺得都幾香，唔算係一啲甜既香味。佢呢罐包裝都好可愛，好似珍珠咁，質地有啲似啫喱咁上下，唔算好厚身。但係上面我覺得非常掂，唔刺激，好保濕好潤！（推薦冬天一定要買，皮膚會變得好Q）

正啊！Benefit既睫毛膏本身都幾唔錯，呢支真係偉大發明！東方人普遍睫毛都比較幼細，而且比較難卷翹，呢支就好似gel咁幫你hold住啲靚靚睫毛！而且個刷都好好用!

Collagen一聽就覺得好好，佢係用完爽膚水先用既乳液，都係流質啲既質地，聞落去幾香，好容易推開，吸收既話唔算好快，但係平價護膚品黎講，保濕做得算幾好架！

首先要贊下，etude house既產品的確係幾多樣化幾便宜既。我當時買呢個產品，系因為自己有些少痘痘，想清潔得再乾淨啲。清潔力或者都叫可以，但係我用完真係敏感....可能系太乾定係有些少刺激，搞到我紅曬，之後就唔敢再用。

呢罐乳液打破我對乳液既一貫睇法，一直以為乳液會超級水狀。呢個就係啫喱狀啲，唔會覺得好厚，塗抹上面好快就吸收。感覺都幾水潤，唔算話會焗。

呢一個產品既創造簡直係為我而設！我就係呢種好奇怪髪尾乾燥但係髮根又容易出油！呢個護髮素容量唔算多，佢成分天然，所以我都唔擔心雪上加霜。覺得用落效果都幾好，感覺頭皮清爽左，但係唔會話好乾。