shuchoux1

以前細細個都有用施巴既沐浴露洗髮露，後來先知因為佢低敏而且滋潤度好夠。我自己就混合性同有些少敏感肌既，覺得呢個面霜同佢其他產品一樣唔刺激，唔會話生痘痘。另外呢保濕度好好但唔會話好粘手，試下啊！

Revlon既染髮產品甘多年黎都依然係咁平靚正啊！首先要贊就係唔會有一種好刺鼻個啲染髮劑臭味，第二呢就係染完頭髮唔會話乾燥左，而係會提升左光澤感（無限心心眼！）上色度呢就睇本身頭髮係咪深色啦，個人而言中意低調啲所以覺得都幾好睇。

想當年紅透半邊天既呢支紅水，令我都蠢蠢欲動去左買，但係我唔知係咪我真係咁天賦異稟定係我用既方式唔啱。呢支紅水對我黎講只係好唔好用。卸妝力好好，但係我用完，敏感啊！塊面會紅同埋生痘痘....我都唔知道點解，之後就無再用啦.....

肌研呢個保濕精華就唔算好貴，你話保濕度既保濕效果係咪特別突出嘛，我覺得還可以，都算唔錯啦。不過呢我就覺得真係有些少難吸收，用完總係覺得面上面好似有一層野咁。

唔知係咪因為我自己既皮膚追求比較除左保濕以外功效既化妝水，所以我自己就對呢支肌研既化妝水無特別大既需求。肌研呢個化妝水其實對於追求滋潤度既姐妹們，會係福星，因為絕對夠保濕。但係我自己就屬於皮膚乾燥既類型，會覺得有些少太厚啦。

Asience既洗髮露我自己覺得屬於比較潤身既類型，呢個輕盈洗髮露唔會話洗完個頭髮好乾，但又唔會話油頭個種黏膩感。香味都好深得我心，係清新味道，洗完頭髮會有光澤感架。

冬天修護型潤唇膏之選啊！Neutrogena既呢支潤唇膏同Vansaline一樣好滋潤，但係唔會話好大陣味，或者個嘴好油令令。會覺得上左嘴之後吸收左，亦唔會話好幾個鐘就要補一次，好用啊！

呢個美國既護唇膏牌子都相當出名，真係好好用架！佢係醫療配方所以呢潤澤度修護度好夠！雖然有些少藥味，但係如果當係冬天唇膜咁用，一整日都無會話乾燥或者甩皮，推薦啊！

幾年前開始紅透半邊天既木瓜潤唇膏啊，我見自己有個中意既youtuber都有推薦架！呢個雖然西潤唇膏修復嘴唇既，但係因為佢成分好天然，所以如果有些少皮膚傷口都可以用架！佢質地就比較厚身黏一啲，有些少黃黃地色，我唯一就係覺得佢香味上唔係特別得我歡心，但係質量上無得彈啊！

雖然之前用shisheido既防曬印象麻麻，但係呢支感覺都幾好。首先防水防汗係夏天真係好適合，最重要佢質地好輕薄，唔會覺得好焗。一焗其實好易爆痘痘！而且佢又唔會話好乾身，咩甩皮啊，都唔錯！

Dove既沐浴系列啊或者洗髮系列係我心目中一直印象都超級良好！一黎香味都好好聞，二黎滋潤度都好足！呢支都唔例外，佢聞落去有陣淡淡既花香味，好清新，唔知係咪因為佢落左精華油，用左真係覺得頭髮會柔滑啲！

第一眼就已經覺得好驚艷好高級！佢呢個啫喱狀既精華擠出來係粉紅色好靚，香味幾好聞！感覺上好容易推開，吸收都幾快。如果話保濕能力既話我會覺得中上，唔會話好厚重個種保濕，但係好明顯係會覺得皮膚即刻柔軟左。