shuchoux1

顧名思義，咁多罐hope in a jar入面，呢個係針對乾性肌膚既比較濕潤既乳霜。其實我唔算太乾既皮膚，所以我覺得保濕度都可以，吸收的都幾快，比起舊個一罐覺得真係更好用！

可能自己用慣啲厚身少少既精華啦，覺得呢支就比較水少少啦，所以滲透都好快既。佢有些少花香，感覺上呢我自己就會prefer再保濕啲既精華，淡斑方面呢就要長期用下先知道！

我覺得首先Maybelline推出呢樣產品其實真係幾特別。佢質地上其實好輕，貼服程度都可以，唯獨係覺得要推開啲泡沫既時候有些少難度，同埋有些少泡沫既聲音其實都幾得意架。

呢個名好可愛！我塊面都要食野架！本身一見facial oil就怕係好油既產品，怕會好難吸收。原來唔係！佢質地其實好輕，平時兩三滴唔夠用架。佢比普通既精華保濕力強啲，但；又唔會好油膩，可以試試啊各位！

似乎Maybelline的遮瑕產品同我無咩緣分...個陣就係見人用呢支遮瑕棒好似攞黎打個底再上少少底妝好自然。然而無論色號或者質地都唔適合我皮膚，佢地顏色偏紅，我偏黃，佢唔算好流質，中等粘稠，但係上左我塊面好似好厚粉咁.....

個陣睇到某youtuber用呢支遮瑕膏，見佢效果好好，提亮左黑眼圈，仲令皮膚睇落去好靚所以先買。但係我只能夠講呢樣產品真係唔適合我，可能系佢顏色本身比較光，而且比較流質，對我黎講唔夠遮瑕度，唔夠貼服，所以我自己就麻麻地佢。

自己都幾中意個包裝，小清新既感覺。唔知道係咪因為加左防曬自己就得有些少焗，唔係好透氣。但係潤澤度都幾足夠，基本上一整日都唔會點乾啊。我會建議有防曬既野最好洗面都洗多一陣。

超級無敵好用啊！呢個系列仲有勁多色揀！我買左好幾支（比我用到已經慘不忍睹）我最中意佢偏橙色個種，有一隻electric既偏熒光既橙色，上嘴好滑，薄薄地偏透明，個種效果好自然。

呢個排毒再生精華係面上既效果都唔錯，感覺皮膚狀態唔同左，比較透亮，毛孔方面效果還好。但係價錢方面我就覺得真係有啲貴，雖然獨立包裝夠衛生，但係一支就只能夠用早晚，七支一個禮拜就用曬有些少赤。

係卸妝既方面我覺得Maybelline呢個眼唇卸妝都唔錯，唇妝因為我通常化得淡所以覺得都ok，不過呢我自己就覺得可能因為佢清潔力幾好既緣故，我自己覺得有些少敏感，有些少紅，不過唔會話好嚴重，或者係我大力掛。

我會覺得呢個眼線膠適合比較有有畫眼線經驗既姐妹。我自己就可能用慣筆狀既眼線筆，覺得個眼線膠有些少難攞色難推開，所以難啲掌控一條利落既眼線。但係價錢唔算貴，大家可以一試。

個陣見到佢話volume就覺得一定卷翹得黎好好用，但係我自己就真係覺得麻麻地。首先我就覺得太“杰”，好似漿住左好多睫毛膏咁。而且個刷頭真係呢個人覺得唔係好好用啊....