shuchoux1

sabon足部系列既產品都唔錯，今次呢個足部磨砂我覺得幾好用啊！因為呢我腳底覺得有些少粗糙。攞少少磨砂膏用覺得真係滑左好多！我覺得用完有少少涼涼地幾舒服架！

相對比之前用過佢地處理髮根油，髪尾開叉個支，感覺呢支就比較一般。可能系我本身甩頭髮多但係生得都多，唔係太明顯感覺到功效，但係一樣係覺得幾潤，修護到髪尾部分。

Fresh既產品主打天然草本，呢個面膜一樣你會見到入面有一塊塊小花瓣，顏色上偏淺咖啡色，感覺都幾天然。功效都唔錯，保濕度好夠，感覺上用完皮膚比較有彈性。

Extremely gentle呢個詞語真係用得好好，呢個潔面乳真係非常溫和，敏感肌痘痘肌都適合，味道呢就係好似佢支保濕噴霧既味道。如果你話你係大油面或者你會覺得唔夠乾爽，但係我呢種混合型會覺得幾舒服，唔會好乾。

Biore Aqua系列既防曬基本上都好水潤，係真係好似有水係入面既感覺！呢支就無顏色既，基本上上面好透明，唔會覺得好明顯白色。防曬度數好足夠，一整日都唔會覺得塊面好乾。因為好濕潤又幾透薄，我推薦比敏感肌既朋友用！

花王既產品性價比一直都好高，雖然價錢唔貴，但基本上我無試過敏感。呢個卸妝水用落去無刺激，比較溫和。感覺上清潔得相當乾淨，但係唔會話覺得非常乾，但如果話會唔會好水潤，咁又未到。

呢個係refill黎既，我自己覺得佢個氣墊粉底幾好用啊！我自己就覺得用佢唔會太焗，但係遮瑕力都中等。佢唔會話好啞色稍微有啲光澤感，感覺望落去皮膚好似天生幾好咁。持久度都可以。

自從之前個個眼部精華之後就對estee lauder既野有好感。呢罐眼霜容量唔算好多，用上去唔會覺得特別油膩（我比較怕油膩既膏狀放眼邊），我覺得提拉既效果都幾明顯，覺得好似對眼大左咁。

要是真係需要瘦身排水既朋友呢一瓶其實可以嘗試下。我自己純粹係貪好玩，我就覺得撇除排水呢方面，如果用佢黎按摩其實都有一定既舒緩同保濕作用，但因為要有效咁排水就需持之以恆既按摩同時間，我自己就無咩呢方面既恆心啦...

呢種眼影我買得比較少，通常買整個眼影盤。但係佢地呢個系列既顏色真係好靚，所以都係試左。個人覺得如果系中意低調啲，唔需要咁閃既眼影就好適合你啦！呢個質地幾滑，粉粒唔粗，顯色度都幾足夠，我自己就偏好用手指渲染，感覺自然啲。

Lancome呢支Masacra既設計好為消費者著想，其實平時搽睫毛膏經常會唔小心hi到個鼻樑，左右眼會唔就手，呢支佢講刷頭下面設計成弧形，方便跨過鼻樑搽既時候唔會掂到。另外佢呢支睫毛膏唔會搞到一條條眼睫毛好粗，而係會好靚咁散開。防暈染既部分我就無咩感想因為我用慣waterproof.

La Vivana呢支活膚水（爽膚水）我覺得屬於清潔型既，唔係強調透明質酸個類型既保濕爽膚水。佢倒出來唔係非常似水狀，稍微稠啲，我會選擇用化妝棉去抹一次整塊面，去做一個小小地既去角質。