shuchoux1

Neutrogena採用嘅formula係根據挪威嗰邊嘅天氣而定嘅，所以佢嘅補濕效果係非常之好。對於容易手有裂紋啦，痛啊甩皮嘅朋友呢，一支呢佢完全唔會刺激，而且用左之後唔使好耐皮膚會變返滑。不過我純粹覺得佢有些少大專唔方便帶出街。 .

呢個面膜首先要讚一讚佢個設計非常之貼面。雖然鼻翼個位唔係好適合我，但係佢整體上，效果唔錯美白嘅效果算係我用過咁多隻入面最顯著嘅一隻。我點解唔畀滿分嘅原因係因為佢個價位的確比較高，一盒其實得五張，除非真係好追求美白效果嘅姐妹，否則，我認為有些少貴。

呢個導入眼霜設計得好好因為佢有個導入頭，佢身體亦都比較輕盈唔會似平時嘅補濕眼霜噉厚身，好快就吸收喇。以為好輕型保濕效果就唔好，錯啦，因為佢入邊有透明質酸，透明質酸補專門就係攞黎保濕既，所以呢個眼霜，對於眼部皮膚乾嘅姊妹們真係恩物嚟噶。

Loreal呢個系列嘅黃糖面膜好特別。首先因為黃糖對於面部皮膚係有種滋潤嘅效果，呢罐面膜佢係攞嚟去角質，係去角質嘅時候亦都同時滋潤肌膚真係非常不得了嘅發明。我覺得用完的確皮膚係覺得滑左，透亮左，雖然我對佢個質地唔係太有好感，有啲一pat pat,但係效果真係好好。不過我會覺得太細罐啦！

極潤保濕水份露其實一開始聽個名覺得好奇怪啊。我覺得呢個產品幾好用嘅，佢質地上呢比較似啫喱，顏色有少少淺綠色。雖然佢係清爽型但係保濕度好夠，上面好快吸收而且唔會覺得有一層厚嘅嘢喺面度。

肌研極潤系列真係佢皇牌黎嘎。佢呢個面霜冇咩香味，佢標榜呢就唔刺激亦都冇香料啊酒精。質地上就真係比較厚身，如果係追求非常強力保濕冬天用就好適合啦！因為呢個 搽上面之後真係覺得皮膚會滑左。尤其佢價錢又平我會覺得大量試用都絕對捨得啊！

我自己就覺得呢，相比起佢嘅面膜同埋保濕產品呢支精華素就一般般啦。點解噉講呢因為我自己抗衰老方面我需求嘅係收毛孔。地上依然都係比較濕潤型，用咗之後第二日的確起身仲係咁保濕嘅，但係其他方面功效我自己就唔係好覺得顯住。

呢支潔面乳，我自己覺得質地上就有啲似專科嗰隻。佢都係白色膏狀，有些少米嘅味道。自己就覺得佢都算起到幾綿密嘅泡沫，潔面力都唔錯，洗完唔會覺得乾。我覺得成分天然呢一方面真係加分，所以都幾推薦大家試下架！

肌研呢個美白面膜我覺得好抵玩，性價比夠高！佢入面有熊果素，針對美白效果，雖然我自己就唔覺得特别美白，純粹覺得有提亮膚色。質地上佢比較清爽型保濕。包裝入邊嘅精華液都唔少。

呢支防曬係攞黎開心架！好中意佢上面之後涼浸浸！防曬係數我覺得其實都唔錯架，而且好透薄，天氣熱既時候用真係好正架！不過會建議，記得幾個鐘要補一次啊！

是咁的，呢支防曬係我目前見過最驚人既防曬係數，通常都做到50就算，佢130！！！如果你知道你個日絕對要去非洲暴曬，選呢支啦！質地超級無敵流質，反白唔明顯，無敵厲害既防曬。

Anessa呢個防曬系數剛剛好，唔會太高太低。我相比起金色個個，更中意呢個。點解呢？因為佢質地更加輕薄，而且覺得比較保濕，唔會話會乾，而且好防水！正啊！