shuchoux1

L’OCCITANE呢支潤膚油雖然一樣都係我唔鍾意嘅花香味。 （味道比較清淡）但係功效相當唔錯，首先佢個設計係噴咀所以佢噴一下嘅面積對於懶人來講係快過你用手抹開。而且雖然佢係油嘅質地但係完全唔會覺得好油膩，兩下推開就已經好快吸收，令到身體好似有層保護膜咁樣包住d水分。

Avene除咗保濕噴霧之外，佢呢個系列，都非常之好用。老實說佢價錢唔算平中等啦，但係我真係覺得細細支物有所值，就算之前皮膚幾敏感，用完皮膚真係會健康啲。比如，本身好乾燥，好痕癢但係之後嫩滑左，而且覺得皮膚係有水分感；就算皮膚嗰陣敏感好嚴重好紅，用嘅時候都唔覺得刺激，好快降紅。咁佢呢個係比較薄身嘅，所以唔會覺得厚重，就算係咁保濕度依然高。推薦！

杏仁奶味嘅呢個保濕乳酪，同士多啤梨味果個相比梗係士多啤梨味好聞好多喇。不過杏仁奶呢個功效上呢，比較明顯。因為杏仁奶呢個用完會覺得皮膚滑啲，柔軟啲。

我要俾無限個100分啊唔該。 The body shop本身嘅body cream已經好正，今次呢個保濕乳酪仲要係質地更加容易推方便好多，啱係士多啤梨口味香到不得了。一百幾蚊咁好用，抵到爆炸！

Pixel Clinical係意大利護膚品牌子。 .其實老實說呢類衰佬啊等等嘅，精華素好似係我身上都唔係特別明顯有作用。膽粗粗試下呢隻咁貴嘅精華素,自己就覺得有小小肉赤,因為喺我身上有咗一次效果不明顯。不過很可能是我的問題而已啦。

burts bees唇膏本身已經係滿分啊。而家出咗呢個精華素梗係要試下啦。首先我好在意化妝品啊保養品入邊嘅成分，呢個精華素成分就非常之天然。而且蜂王漿嘅成分，保濕度足夠，用咗一排覺得自己塊面嘅光澤感靚咗。

我自己就比較少用手膜，因為我基本上，手既皮膚唔算乾燥。我覺得佢其中一個正嘅地方係因為戴住手套你都可以用個手機。敷完的確即時會覺得隻手滑啲嘅，不過我就覺得維持嘅時間唔算好長啦，類似急救型嘅hand cream功效。

其實呢個牌子我唔算好熟悉，只係知道佢係一個韓國牌子。如果當佢一種化妝水嚟用嘅話佢功效係相當唔錯嘅，因為補濕力好好而且佢有修護既功效。但係對於一般女仔嚟用嘅話覺得假設真係有d貴400幾蚊。

寵愛之名嘅呢個面膜即係一個好特別嘅質地，佢唔係普通面膜好薄紙而係有種彈彈地嘅感覺，所以非常之貼面。味道幾香，但係本身精華液量就好少。其實我覺得呢個產品對我冇乜特別大功效而且因為價錢非常之貴300幾蚊得三張，所以我對佢冇乜好感。

Aveeno嘅產品效果都唔錯嘅。香味自然啦，啫哩狀質地，潤澤度幾高啊質地唔會覺得好厚身。我覺得用嚟做晚上的確係一流，純粹自己覺得價錢上稍為，貴咗少少。

ZA呢個隔離霜，真係值五分.其實一擠出嚟佢本身係cream狀，幾嚇人，但係上左面又唔會覺得好厚身，好難吸收好油。保濕度好夠但係又唔會持久度差好快出油。防曬係數都唔算低，而且上面唔會話反白啊，而且會提亮膚色，所以好推薦！

平靚正啊！呢支洗面膏，本身大大支，又好平，雖然包裝就麻麻地但係效果非常之好。因為佢都係屬於洗完唔會好乾，但係會feel到好乾淨。我會推薦俾痘痘肌油性肌嘅朋友，因為佢唔刺激，而且洗完第二日呢唔會覺得塊面好快又油，好似有控油效果噉。