shuchoux1

滿分佳品啊！Revlon 呢個唇膏呢係靚色版有色潤唇膏！點解咁講呢，首先因為佢啲顏色選擇好多，就算係粉橘紅都有好幾種，另外呢就係真係好潤身，好滑，用完唔會覺得嘴好乾。鍾意啊！

同佢呢個系列既粉餅比起呢一個打底霜效果麻麻地。點解噉講呢因為持久度唔足夠，控油能力唔足夠，我覺得上完之後好似上粉底反而無咁貼服。唉....

眼影眼線做得幾靚都好持久度真係最重要，除咗倚賴本身眼線眼影嘅質量之外，打底霜真係一樣非常重要嘅偉大發明啊。呢個打底霜佢本身呢好滑，所以好容易推，但係乾左之後唔會話上左眼影後kick住一團粉，我覺得打底霜離講呢個算幾唔錯，持久度都幾好。

佢呢個系列嘅眼影盤呢同之前12色嗰個眼影盤有些少分別。分別在於呢一個偏為膚色啲但係效果上又比較鮮豔啲搶眼啲。 。粉紅色嘅，好適合黃皮膚既東方人，有閃粉嗰啲眼影上咗落眼皮真係好靚。

覺得無敵好用啊！唔係淨係得一隻色好白嗰種嘅高光，而係帶有紅啲黃啲啲皮膚色嘅高光，所以其實好合乎人嘅面容輪廓。佢嘅粉粒相當之幼細，所以上面效果好自然，相比起陰影粉我覺得高光粉真係對於修容更加有效。

我好鍾意呢個胭脂，點解噉講呢，係因為呢個胭脂顏色本身比較似係皮膚散發嘅嗰種紅潤顏色。因為一般嘅胭脂顏色會比較，紅潤鮮豔啲嘅。呢一個比較偏黃少少橙少少，所以上咗去面會自然好多，而且因為佢係幼細粉粒狀所以上面簡直好似裸妝既紅潤。

我自己覺得哩個修容盤呢其實，應該系唔錯嘅，分量相當多但係我自己真係其實修容對我幫助一般。噉因為佢顏色上我比較少用到最深個隻色所以最深色我通常會當係打眼影用，因為嗰個顏色同皮膚色本身比較接近所以眼影既效果會好自然。

老實說好多時候揀染眉膏都見到淨係得金色同埋黑色。因為其實自己眉目已經好黑喇如果用黑色呢又覺得好似兩片海苔，金色呢又覺得呢太顯色好唔自然。 Rimmel呢個染眉膏啱曬我，因為佢係深啡色所以呢可以將我眉毛稍微變淡d，唔會咁惡。而且我仲會用佢當睫毛打底膏，再上睫毛膏，等我嘅眼睫毛定型持久d。

我自己就會用淺色啲嘅嗰盒嘅，因為呢我本身眉毛比較濃所以唔需要非常黑嘅效果。整盒眉粉正呢就係防水同埋防油，而且顏色唔算好深所以你輕輕地用佢嚟打一打鼻影呢都好好順眼。

如果你話你係新手話想追求持久控油妝容嘅效果，就買呢盒啦啱曬你嘅喇。因為首先佢呢盒嘅粉餅持久度好好，加上係啞緻型既粉餅，就算你幫手搽多咗因為粉粒細所以都會自然嘅。佢先五十零蚊，買幾盒攞嚟玩都抵啦。

Rimmel呢個眼影盤相當之抵啊就算攞嚟平平地玩都值啊,因為一盒120文一個顏色先十蚊。而且因為佢個顏色分得好細，所以唔驚手殘或者係唔識化妝嘅朋友會搞到一pat野。佢質地都算滑粉粒都算細嘅，純粹係因為個色盤比較大帶出街唔方便嗻，整體嚟講都相當唔錯。

通常唇彩呢就係普通紅紅地色啊透明色多嘅，呢一個產品就好特別因為佢係金屬係顏色，佢嘅效果就比較新潮型格啲，而且比較低調因為金屬色其實同膚色比較接近，所以個效果係自然裸妝系嘅耀眼，更加突出到唇部嘅輪廓。