shuchoux1

Paul and Joe每一件產品都令我好想買。就算佢功能幾差都好佢個包裝已經係冇得彈。呢個限量版嘅彩妝粉盒，佢仲要係好精細噉樣，一盒入邊有幾樣可以畀你用，上眼妝上胭脂，光影暗影。淨係畀我帶出街我都覺得呢個錢洗得值得。

好靚好靚好靚好靚!我呢支呢係比較似皮膚色嘅偏橙色既！其實我嘴唇比較乾，有唇紋，但係用呢支可以修飾到我嘅唇紋。佢顏色比較透薄自然，如果用多兩次就會顏色明顯啲。潤澤度好夠而且好滑。

其實我好少去嘗試用瘦身霜嘅，因為其實我嘅體型無最大嘅問題。我自己就覺得呢一個佢係幾容易推嘅，吸收都算OK快。我係咪好明顯有效果我就唔覺囉。不過望落去小腿用完好似有啲地方水腫少左dd。

超級無敵好用嘅Avene防敏感嘅系列。對於敏感肌膚黎講，就算幾敏感都好，都需要適當嘅清潔。如果你係有敏感肌膚煩惱嘅時候呢一支好啱你喇，因為佢好溫柔噉樣潔淨肌膚但係清潔得好足嘅。而且因為佢唔需要用水沖洗，所以都相當方便。

寵愛之名呢個眼霜冇咩香味,質地好潤身但唔會話好油搞到生粒粒。不過我就覺得呢個比較眼部皮膚乾燥既朋友，佢本身皮膚唔係好乾燥嘅話或者佢功效唔算大。

我有些少敏感肌膚既關係所以對於belief佢地唔落香料，化學添加劑呢種牌子特別有興趣！呢個面膜清潔力都幾好，但唔會話用完好乾，用完感覺皮膚好似提亮左咁！

佢呢個係噴嘴呢既，不過就唔係好薄既水狀噴霧，係有保濕精華類既物體係入面。其實我對呢種噴霧要求唔高，純粹為方便。但係因為佢保濕力一般般，而且價錢好貴，我會覺得avene抵用啲....

因為呢個面膜既質地好容易破，所以我自己會覺得麻麻地方便，另外呢因為佢要敷好耐，額外既唔方便啊⋯⋯佢功效都OK，滋潤度啊皮膚係會柔軟左，但係我好似有些少敏感，覺得痛痛地。

通常呢啲清潔面膜味道都唔好聞，但係呢個好唔同！幾香架！我其實好怕呢種mask會用完好乾好緊繃，但係呢個唔會啊，用完清爽得黎涼涼地好舒服。清潔力都唔錯，推薦！

Valmont呢個面膜真係好正，因為佢功效好明顯！敷完真係覺得塊面彈左滑左，而且皮膚會變得好水潤！佢就話日日敷都得，我自己就幾日用一次都覺得好好用啦！

呢個眼影盤我覺得就不過不失啦。因為我好考慮眼影盤既顏色，同埋比較鍾意多色既眼影盤所以相對黎講顏色選擇我就覺得唔夠多。不過都好滑身，易上色，穩陣型既眼影盤

我自己就覺得呢支都唔錯，主要係覺得顯色度好而且都幾持久，可能我自己覺得呢種唇彩係比較乾身，所以鍾意佢厚身滋潤。