shuchoux1

SPF50架！如果想防曬功效好啲既姐妹們，呢個就好適合你地啦！因為佢雖然高效防曬但係其實質地都好水潤，好少就夠整塊面，兩下子就吸收。反白都唔明顯，相當唔錯啊！

Sunplay呢支防曬佢就唔算好高防曬系數，但係質地就相當流質，好輕薄。基本上係面上好容易推開，然後好快吸收。唔會話塞毛孔啊或者覺得白左一層。

其實Sunplay好多防曬都唔錯，防曬噴霧又係宇宙一大偉大發明！好中意佢噴完皮膚有陣涼涼地既感覺，雖然唔知道噴得平唔平均，但係因為覺得好輕薄，加上心理作用，覺得都幾唔錯啊！佢仲有些少保濕，價錢又唔貴，幾好啊！

佢呢個粉底霜應該好多人都有見過佢既廣告！遮瑕力真係300%無得彈！超級高，真係一般既痘痘印啊完全難唔到佢，凈係呢點都滿分啦!不過因為遮瑕度高所以佢唔係光澤感型，但係亦唔算好粉樣既，都算自然啦，但係可以省下遮瑕膏！

首先！好好聞啊啊啊啊！超級香但係唔係好假既味道。佢呢個我乳霜質地唔會話好厚，白白地色啦，好容易推開，唔洗一分鐘就吸收曬啦。佢保濕力都好好，我覺得夜晚用完第二朝起身皮膚都係好嫩滑，唔錯唔錯！

佢地呢個系列有幾款唔同功效既面霜，呢個就主打緊緻肌膚同保濕。佢質地唔算好厚，一般cream狀，都唔算難吸收。不過我會建議當晚霜用，因為主打係修護肌膚嘛，夜晚就最啱啦！

Olay呢個保濕凝霜係一個淺藍色既gel，（藍色感覺好靚）上面呢好容易推開，質地上好清爽，所以兩下就吸收曬。保濕力都唔錯架，唔會話好快就乾啊出油，都唔錯！

Loreal染髮啦又到！呢個系列啲顏色都好sharp,藍色紫色綠色，如果想有新突破想挑戰一下又怕好難改顏色既你就好適合啦！因為呢個染髮劑stay一兩個禮拜架咋，唔會話要漂要點，而且一樣味道都唔討人厭，顏色好正！

Nivea啲潔面產品都相當好用，我見啲friend都話用左好清爽。毛孔啲污糟野都清潔得到。佢起泡力都幾好，好容易就有一大堆泡，用完塊面有些少凉，油性或者敏感肌都啱用架！

呢個面霜呢首先要贊下有防曬，咁總會覺得自己用少個防曬係抵啲。但係呢佢可能因為質地比較潤身啊，我自己就中意啲清爽啲既面霜，唔係既話一流汗就覺得好唔舒服。

我見阿哥用呢支架！哈哈哈哈哈，佢啲頭髮比較軟，用呢個就好好定型。不過聞落去就無咩特別香味，同埋我見佢個樽口都幾大，會唔會好難控制分量架！

大推大推大推！Missha呢個cushion真係超級無敵好用！首先呢至少色號上，佢唔會好似其他韓國牌子咁最深色既都白好多，呢個色號好自然。第二！滋潤度夠光澤感夠但係遮瑕度都好好！無敵啊！佢唔會話用完就粉樣，如果皮膚比較油，會建議加個控油既隔離霜打個底會更加好！